మఱి యేఁటి సుద్దులు మమ్మేమడిగేవు నీవు
(॥పల్లవి॥)
మఱి యేఁటి సుద్దులు మమ్మేమడిగేవు నీవు
మెఱసి మీ యిక్కువలు మించెను దోమట్లై
(॥మఱి॥)
యింతిని నీవు చూచితే నింగితాకారమెరిఁగి
చింతతోడఁ దలవంచి సిగ్గువడెను
వింతగానందుకు నీవు వెడనవ్వు నవ్వితివి
పొంతనే కమ్మర నాకె బొమ్మల జంకించెను
(॥మఱి॥)
పడఁతిని దగ్గరితే భావమెల్లాఁ దెలుసుక
చిడుముడి తమకానఁ జెమరించెను
బడినే అందుకుఁ బూవుబంతి నీవు వేసితివి
వొడిఁ బెట్టుకొని యాకె వుద్దండాన మొక్కెను
(॥మఱి॥)
అంగనఁ గాఁగిలించితే ఆయములట్టే కరఁగె
సంగతిగాఁ బవళించె శయ్యమీఁదను
అంగవించి శ్రీవెంకటాధిప నీవు గూడితివి
వుంగరములా కెవేళ(ళ్ళ?) నొగి మార్పులాడెను
(||pallavi||)
maṟi yem̐ṭi suddulu mammemaḍigevu nīvu
mĕṟasi mī yikkuvalu miṁchĕnu domaṭlai
(||maṟi||)
yiṁtini nīvu sūside niṁgidāgāramĕrim̐gi
siṁtadoḍam̐ dalavaṁchi sigguvaḍĕnu
viṁtagānaṁdugu nīvu vĕḍanavvu navvidivi
pŏṁtane kammara nāgĕ bŏmmala jaṁkiṁchĕnu
(||maṟi||)
paḍam̐tini daggaride bhāvamĕllām̐ dĕlusuga
siḍumuḍi tamagānam̐ jĕmariṁchĕnu
baḍine aṁdugum̐ būvubaṁti nīvu vesidivi
vŏḍim̐ bĕṭṭugŏni yāgĕ vuddaṁḍāna mŏkkĕnu
(||maṟi||)
aṁganam̐ gām̐giliṁchide āyamulaṭṭe karam̐gĕ
saṁgadigām̐ bavaḽiṁchĕ śhayyamīm̐danu
aṁgaviṁchi śhrīvĕṁkaḍādhiba nīvu gūḍidivi
vuṁgaramulā kĕveḽa(ḽḽa?) nŏgi mārbulāḍĕnu