(॥పల్లవి॥)
మఱి యేఁటి సుద్దులు మాపుదాఁకాను
గుఱియైన చేఁతలివె కొల్లలాయను
(॥మఱి॥)
కాటుక కన్నుల నిన్ను కలికి చూడఁగానే
నాటనుండి నీమేను నల్లనాయను
చీటికి మాటికి నాపె సిగ్గులు పైఁజల్లఁగానె
తేటలుగా నీకన్నులు తెల్లనాయను
(॥మఱి॥)
బలిమినే వలపుల పదను చల్లఁగానే
పలుమారు నీ మేను పచ్చియాయను
యెలిమి నీతో నాపె యిచ్చకములాడఁగాను
వెలయ నీమాట వెచ్చి వేవదాయను
(॥మఱి॥)
అండనుండి పానుపుపైనలిగి కూడినదెల్లా
యెండలాయ నీడలాయనింతలోననే
దండి గోవిందరాజవై దగ్గరి శ్రీ వేంకటాద్రి
కొండపై నన్నుఁగూడఁగా కోరినట్టేయాయను
(||pallavi||)
maṟi yem̐ṭi suddulu mābudām̐kānu
guṟiyaina sem̐talivĕ kŏllalāyanu
(||maṟi||)
kāḍuga kannula ninnu kaligi sūḍam̐gāne
nāḍanuṁḍi nīmenu nallanāyanu
sīḍigi māḍigi nābĕ siggulu paim̐jallam̐gānĕ
teḍalugā nīgannulu tĕllanāyanu
(||maṟi||)
balimine valabula padanu sallam̐gāne
palumāru nī menu pachchiyāyanu
yĕlimi nīdo nābĕ yichchagamulāḍam̐gānu
vĕlaya nīmāḍa vĕchchi vevadāyanu
(||maṟi||)
aṁḍanuṁḍi pānububainaligi kūḍinadĕllā
yĕṁḍalāya nīḍalāyaniṁtalonane
daṁḍi goviṁdarājavai daggari śhrī veṁkaḍādri
kŏṁḍabai nannum̐gūḍam̐gā korinaṭṭeyāyanu