(॥పల్లవి॥)
మఱి యేమి సేసునే మంచివే యన్నిపనులు
వెఱపులెల్లాఁ దీర వేఁడుకొనీఁ గాక
(॥మఱి॥)
ఆసగలిగినవాఁడు ఆతఁడు నీయడకును
వేసరునా మీఁద మీఁద వేడుకేకాక
రాసికెక్క నంతేసి రతి నలయింతువట
మోసపోయీనా నీకు మొక్కేఁగాక
(॥మఱి॥)
పైపై వలచినవాఁడు పంతపు నీచేతలకు
కోపగించునా మరిఁ గోరేదేకాక
తీపుమోవితేనెలిచ్చి తెలిపి చొక్కింతువట
వోపననినా నిన్ను వొడఁబరచీఁగాక
(॥మఱి॥)
కాఁగిటఁ గూడినవాఁడు కడు నీచెనకులకు
లోఁగీనా యెంతైనా లోఁగొనీఁగాక
చేఁగదేరఁ గూడితివి శ్రీ వెంకటేశ్వరునట
దాఁగీనా నీ యింపులకుఁ దమకించీఁగాక
(||pallavi||)
maṟi yemi sesune maṁchive yannibanulu
vĕṟabulĕllām̐ dīra vem̐ḍugŏnīm̐ gāga
(||maṟi||)
āsagaliginavām̐ḍu ādam̐ḍu nīyaḍagunu
vesarunā mīm̐da mīm̐da veḍugegāga
rāsigĕkka naṁtesi radi nalayiṁtuvaḍa
mosaboyīnā nīgu mŏkkem̐gāga
(||maṟi||)
paibai valasinavām̐ḍu paṁtabu nīsedalagu
kobagiṁchunā marim̐ goredegāga
tībumovidenĕlichchi tĕlibi sŏkkiṁtuvaḍa
vobananinā ninnu vŏḍam̐barasīm̐gāga
(||maṟi||)
kām̐giḍam̐ gūḍinavām̐ḍu kaḍu nīsĕnagulagu
lom̐gīnā yĕṁtainā lom̐gŏnīm̐gāga
sem̐gaderam̐ gūḍidivi śhrī vĕṁkaḍeśhvarunaḍa
dām̐gīnā nī yiṁpulagum̐ damagiṁchīm̐gāga