(॥పల్లవి॥)
మఱి హరిదాసుఁడై మాయలఁ జిక్కువడితే
వెఱపించఁబోయి తానే వెఱచినట్లవును
(॥మఱి॥)
శూరుఁడైనవాఁ డేడఁజొచ్చిన నడ్డము లేదు
ఆరీతి జ్ఞానికి విధు లడ్డము లేవు
కారణాన నప్పటినీఁ గలిగెనా నది మరి
తేరిన నీళ్ల వండు దేరినట్లవును
(॥మఱి॥)
సిరులరాజై తే నేమిసేసిన నేరమి లేదు
పరమాధికారియైతేఁ బాపము లేదు
అరసి తనకుఁదానే అనుమానించుకొనెనా
తెరువే పోఁ సుంకరిఁ దెలిపినట్లవును
(॥మఱి॥)
భూమెల్ల మేసినా నాఁబోతుకు బందె లేదు
నేమపుఁ బ్రపన్నునికి నింద లేదు
యీమేర శ్రీవేంకటేశ్వరుని శరణని
సోమరి కర్మమంటితే జుంటీఁగ కతవును
(||pallavi||)
maṟi haridāsum̐ḍai māyalam̐ jikkuvaḍide
vĕṟabiṁcham̐boyi tāne vĕṟasinaṭlavunu
(||maṟi||)
śhūrum̐ḍainavām̐ ḍeḍam̐jŏchchina naḍḍamu ledu
ārīdi jñānigi vidhu laḍḍamu levu
kāraṇāna nappaḍinīm̐ galigĕnā nadi mari
terina nīḽla vaṁḍu derinaṭlavunu
(||maṟi||)
sirularājai te nemisesina nerami ledu
paramādhigāriyaidem̐ bābamu ledu
arasi tanagum̐dāne anumāniṁchugŏnĕnā
tĕruve pom̐ suṁkarim̐ dĕlibinaṭlavunu
(||maṟi||)
bhūmĕlla mesinā nām̐bodugu baṁdĕ ledu
nemabum̐ brabannunigi niṁda ledu
yīmera śhrīveṁkaḍeśhvaruni śharaṇani
somari karmamaṁṭide juṁṭīm̐ga kadavunu