(॥పల్లవి॥)
మరలి యేఁటిమాట మనమున్నచోటి
తరితీపులే కాక తమకించ నేఁటికే
(॥మరలి॥)
తేనెగారీ నీమోవి తేటలాయ నీమొగము
మోనానవిందుకే నేను మొక్కే నీకు
వానలాయఁ జెంజెమట వడి నీమేననెల్లా
ఆనుక పులకపైరులంటెను నామేనను
(॥మరలి॥)
తెల్లనాయ నీకన్నులు దిష్టమాయ నీచేఁత
మొల్లమినిందుకే నేను మొక్కే నీకు
వొల్లనె నీముక్కున నిట్టూర్పుగాలి విసరఁగ
పల్లదపు నాగుబ్బలపైకొంగు జారెను
(॥మరలి॥)
సరులు నీమేననొత్తి సరివచ్చె నీనవ్వు
మురిపెములాయ నేను మొక్కే నీకు
యిరవుగ శ్రీ వెంకటేశ నన్నునేలితివి
తెరలోనే నీకునాకుఁ దేరెను జగడము
(||pallavi||)
marali yem̐ṭimāḍa manamunnasoḍi
taridībule kāga tamagiṁcha nem̐ṭige
(||marali||)
tenĕgārī nīmovi teḍalāya nīmŏgamu
monānaviṁduge nenu mŏkke nīgu
vānalāyam̐ jĕṁjĕmaḍa vaḍi nīmenanĕllā
ānuga pulagabairulaṁṭĕnu nāmenanu
(||marali||)
tĕllanāya nīgannulu diṣhṭamāya nīsem̐ta
mŏllaminiṁduge nenu mŏkke nīgu
vŏllanĕ nīmukkuna niṭṭūrbugāli visaram̐ga
palladabu nāgubbalabaigŏṁgu jārĕnu
(||marali||)
sarulu nīmenanŏtti sarivachchĕ nīnavvu
muribĕmulāya nenu mŏkke nīgu
yiravuga śhrī vĕṁkaḍeśha nannunelidivi
tĕralone nīgunāgum̐ derĕnu jagaḍamu