(॥పల్లవి॥)
మనుజు లూరకే తాము మరఁగులంటా నుందురు
యెనసి దేవుఁడు సేసే నిందరికి మాయ
(॥మను॥)
వినికందరి కొక్కటే వివరములే వేరు
కనుచూపులు నొక్కటే కాంక్షలే వేరు
మనసూ నొక్కటే లోనిమర్మములే వేరు
తనివియు నొక్కటే తనువులే వేరు
(॥మను॥)
లోకమును నొక్కటే లోనువెలుపల వేరు
వాకు లొక్కటే భాషలవరుసే వేరు
జోక నాహార మొక్కటే సొరిది రుచులే వేరు
కైకొన్నరతి యొక్కటే కందువలే వేరు
(॥మను॥)
పరిమళ మొక్కటే భాగించుకొనుటే వేరు
యిరవైన దొక్కటే యింపులే వేరు
అరిది శ్రీవేంకటేశ అన్నిటా నీదాఁసుడు(ల?)
శరణాగతి యొక్కటే జాతులే వేరు
(||pallavi||)
manuju lūrage tāmu maram̐gulaṁṭā nuṁduru
yĕnasi devum̐ḍu sese niṁdarigi māya
(||manu||)
vinigaṁdari kŏkkaḍe vivaramule veru
kanusūbulu nŏkkaḍe kāṁkṣhale veru
manasū nŏkkaḍe lonimarmamule veru
taniviyu nŏkkaḍe tanuvule veru
(||manu||)
logamunu nŏkkaḍe lonuvĕlubala veru
vāgu lŏkkaḍe bhāṣhalavaruse veru
joga nāhāra mŏkkaḍe sŏridi rusule veru
kaigŏnnaradi yŏkkaḍe kaṁduvale veru
(||manu||)
parimaḽa mŏkkaḍe bhāgiṁchugŏnuḍe veru
yiravaina dŏkkaḍe yiṁpule veru
aridi śhrīveṁkaḍeśha anniḍā nīdām̐suḍu(la?)
śharaṇāgadi yŏkkaḍe jādule veru