Oru nooru janmam

ഒരു നൂറു ജന്മം പിറവിയെടുത്താലും
ഒരു നൂറു ജന്മം മൃതിയില്‍ കൊഴിഞ്ഞാലും
പ്രിയമുള്ളവനേ... പ്രിയമുള്ളവനേ...
പിരിയാനാകുമോ തമ്മില്‍?
(ഒരു നൂറു ജന്മം)

പ്രളയപ്രവാഹത്തെ ചിറകെട്ടി നിര്‍ത്തുവാന്‍
വിധിയുടെ കൈകള്‍ക്കാകുമോ?
അനശ്വരപ്രേമത്തിന്‍ കാലടിപ്പാടുകള്‍
മറയ്‌ക്കാന്‍ മായ്‌ക്കാന്‍ കഴിയുമോ?
(ഒരു നൂറു ജന്മം)

അന്തരാത്മാവിലെ മൗനത്തിന്‍ ചിറകടി
ഇന്നെന്‍ നിശകളില്‍ തേങ്ങുന്നൂ...
ഹൃദയത്തിന്‍ ധമനികള്‍ നീ ചേര്‍ന്നലിയും
വിരഹാര്‍ദ്ര ഗാഥയില്‍ വിതുമ്പുന്നൂ...
(ഒരു നൂറു ജന്മം)