మనసె వశమైతేఁ గా మరి మీఁదటి పనులు
(॥పల్లవి॥)
మనసె వశమైతేఁ గా మరి మీఁదటి పనులు
తనువులోపలి హరిదయ యింతె కాకా
(॥మన॥)
వొద్దనె పుత్రమిత్రాదు లువ్విళ్లూరించఁగాను
అద్దొ వైరాగ్య మేమి ఆటపాటలా
కొద్దిలేనివిషయాలు గుంపు గూడు కుండఁగాను
వద్దని కడకుఁ దోయ వశ మవునా
(॥మన॥)
వొయ్యనె ధనధాన్యాలు వొడ్డుకొని వుండఁగాను
అయ్యో సుజ్ఞానము లల్లాడఁబడెనా
గయ్యాళికోరిక లెల్లా గమిగూడ కుండఁగాను
పుయ్యక దూలయాసలఁ బోఁదోల వసమా
(॥మన॥)
పల్లదపుటాఁక లిది పాయక వుండఁగాను
చెల్లఁబో వోరుపు లింత చెడఁబోయనా
నల్లని శ్రీవెంకటనాథుఁడె యందరికిని
తల్లి దండ్రియై కావఁగా తప్పువాసెఁ గాకా
(||pallavi||)
manasĕ vaśhamaidem̐ gā mari mīm̐daḍi panulu
tanuvulobali haridaya yiṁtĕ kāgā
(||mana||)
vŏddanĕ putramitrādu luvviḽlūriṁcham̐gānu
addŏ vairāgya memi āḍabāḍalā
kŏddileniviṣhayālu guṁpu gūḍu kuṁḍam̐gānu
vaddani kaḍagum̐ doya vaśha mavunā
(||mana||)
vŏyyanĕ dhanadhānyālu vŏḍḍugŏni vuṁḍam̐gānu
ayyo sujñānamu lallāḍam̐baḍĕnā
gayyāḽigoriga lĕllā gamigūḍa kuṁḍam̐gānu
puyyaga dūlayāsalam̐ bom̐dola vasamā
(||mana||)
palladabuḍām̐ka lidi pāyaga vuṁḍam̐gānu
sĕllam̐bo vorubu liṁta sĕḍam̐boyanā
nallani śhrīvĕṁkaḍanāthum̐ḍĕ yaṁdarigini
talli daṁḍriyai kāvam̐gā tappuvāsĕm̐ gāgā