(॥పల్లవి॥)
మంటలంటా బెదరీని మాణిక్యాలు చూచి చెలి
యింటిలోనూ నెరవాయె నేమి సేతమే
(॥మంట॥)
నిండుఁబరితాపమున నీలపుమణులమేడ
నుండరాక దేహమెల్ల నుమ్మగించంగా
పండు వెన్నెలల మంచిబయట నిలిచిచెలి
యెండనవి తల్లడించె నేమిసేతమే
(॥మంట॥)
గ్రక్కనఁ జెలులుచేరి కప్పురపు బాగాలు
చెక్కువట్టి కదలించి చేతి కియ్యంగా
పొక్కుచుఁ జెలులఁ గన్ను బొమ్మలవిండ్లఁగోప
మెక్కువట్టి యేయ జూచి నేమిసేతమే
(॥మంట॥)
పాయక వేంకటపతి పచ్చఁబట్టు ముసుఁగులో
సోయగపు రతులను చొక్కుచునుండి
రాయడి నెవ్వతె పసపాయెనో పచ్చడమని
యేయెడ నైఁనా దూరే నేమిసేతమే
(||pallavi||)
maṁṭalaṁṭā bĕdarīni māṇikyālu sūsi sĕli
yiṁṭilonū nĕravāyĕ nemi sedame
(||maṁṭa||)
niṁḍum̐baridābamuna nīlabumaṇulameḍa
nuṁḍarāga dehamĕlla nummagiṁchaṁgā
paṁḍu vĕnnĕlala maṁchibayaḍa nilisisĕli
yĕṁḍanavi tallaḍiṁchĕ nemisedame
(||maṁṭa||)
grakkanam̐ jĕluluseri kappurabu bāgālu
sĕkkuvaṭṭi kadaliṁchi sedi kiyyaṁgā
pŏkkusum̐ jĕlulam̐ gannu bŏmmalaviṁḍlam̐goba
mĕkkuvaṭṭi yeya jūsi nemisedame
(||maṁṭa||)
pāyaga veṁkaḍabadi pachcham̐baṭṭu musum̐gulo
soyagabu radulanu sŏkkusunuṁḍi
rāyaḍi nĕvvadĕ pasabāyĕno pachchaḍamani
yeyĕḍa naim̐nā dūre nemisedame