మంకు గొల్లవారైతేనే మానము లేదా
(॥పల్లవి॥)
మంకు గొల్లవారైతేనే మానము లేదా
బింకమున నాతో నెంత పెనఁగులాడేవు
(॥మంకు॥)
కాఁపురము సేసేదానిఁ గలువ పువ్వుల వేసి
రాఁపుసేసి మమ్మునేల రచ్చఁబెట్టేవు
పూఁపచన్నులు పయ్యదఁ బొదిగి దాఁచుకుండఁగా
చూపుమని మమ్మునెంత సోదించేవు
(॥మంకు॥)
సిగ్గుతోడన్నుదానిఁ జేతులు వట్టి తీసి
కగ్గుదేర నెంత నవ్వి కాకుసేసేవు
వొగ్గి తేనెమోవి చేతనూరకే మూసుకుండఁగా
వెగ్గళించి యెంగిలి గావించనేల వచ్చేవు
(॥మంకు॥)
పానుపుపై నున్నదానిపక్కఁ బండి కౌఁగిలించి
మేను ముట్టి నన్నునెట్టు మేర మీరేవు
పూని శ్రీ వెంకటేశుఁడ పొంచి తెరలోనుండఁగా
ఆనవెట్టి రతినెంత అలయించేవు
(||pallavi||)
maṁku gŏllavāraidene mānamu ledā
biṁkamuna nādo nĕṁta pĕnam̐gulāḍevu
(||maṁku||)
kām̐puramu sesedānim̐ galuva puvvula vesi
rām̐pusesi mammunela rachcham̐bĕṭṭevu
pūm̐pasannulu payyadam̐ bŏdigi dām̐suguṁḍam̐gā
sūbumani mammunĕṁta sodiṁchevu
(||maṁku||)
siggudoḍannudānim̐ jedulu vaṭṭi tīsi
kaggudera nĕṁta navvi kāgusesevu
vŏggi tenĕmovi sedanūrage mūsuguṁḍam̐gā
vĕggaḽiṁchi yĕṁgili gāviṁchanela vachchevu
(||maṁku||)
pānububai nunnadānibakkam̐ baṁḍi kaum̐giliṁchi
menu muṭṭi nannunĕṭṭu mera mīrevu
pūni śhrī vĕṁkaḍeśhum̐ḍa pŏṁchi tĕralonuṁḍam̐gā
ānavĕṭṭi radinĕṁta alayiṁchevu