మంగళసూత్ర మొక్కటే మగనాలికిఁ గట్టేది
(॥పల్లవి॥)
మంగళసూత్ర మొక్కటే మగనాలికిఁ గట్టేది
అంగవించే మీఁది పన్నులన్నియు విభునివే
(॥మంగ॥)
తలఁపు లోపల నిన్నుఁ దలఁచినానుఁ గలవు
తలఁచకున్నా నంతరాత్మవై కలవు
పలుపూజ లిఁకనేల భక్తిసేయనేల నీవు
గలవని నమ్మేదొక్కటే బుద్ధిఁ గాకా
(॥మంగ॥)
మొక్కినా రక్షింతువు మొక్కకున్నా జగములో
యిక్కువతో రక్షింతువు యెపుడు నీవు
పెక్కు విన్నపాలేల పిలిచి యలయనేల
తక్కక నమ్మేటిది నీదాస్య మొక్కటే
(॥మంగ॥)
కడు సుజ్ఞానినైనా నీగర్భవాసమే వునికి
వెడ నజ్ఞానినైనాను విడిదక్కడే
బడినే శ్రీవేంకటేశ పలునా వుద్యోగాలేల
నిడివి నిన్ను నుతించే నేమమే నాది
(||pallavi||)
maṁgaḽasūtra mŏkkaḍe maganāligim̐ gaṭṭedi
aṁgaviṁche mīm̐di pannulanniyu vibhunive
(||maṁga||)
talam̐pu lobala ninnum̐ dalam̐sinānum̐ galavu
talam̐sagunnā naṁtarātmavai kalavu
palubūja lim̐kanela bhaktiseyanela nīvu
galavani nammedŏkkaḍe buddhim̐ gāgā
(||maṁga||)
mŏkkinā rakṣhiṁtuvu mŏkkagunnā jagamulo
yikkuvado rakṣhiṁtuvu yĕbuḍu nīvu
pĕkku vinnabālela pilisi yalayanela
takkaga nammeḍidi nīdāsya mŏkkaḍe
(||maṁga||)
kaḍu sujñāninainā nīgarbhavāsame vunigi
vĕḍa najñāninainānu viḍidakkaḍe
baḍine śhrīveṁkaḍeśha palunā vudyogālela
niḍivi ninnu nudiṁche nemame nādi