(॥పల్లవి॥)
మంచివాఁడె నా విభుఁడు మగువలాల
వంచుకోవలసి తానె వలపించెఁ గాకా
(॥మంచి॥)
మొగముచూచినవాఁడు మొదలఁ దానె కదవె
నగవురాఁగా వెనక నవ్వితిఁగాని
యెగసక్యపుదానవా యిందరు నెరఁగకుండ
అగడు సేయవలసి అనీనింతెకాకా
(॥మంచి॥)
కాఁగిలించుకొన్నవాఁడు గట్టిగఁ దానె కదవె
పాఁగిన మచ్చాలు మరి పట్టితిఁగాని
రాఁగతనముదాననా రాసికెక్కిన్నాళ్లాయ
వేఁగుసేసి మోచిదించ వింతసేసీఁగాకా
(॥మంచి॥)
చేరి కూడినట్టివాఁడు శ్రీవెంకటేశుఁడె కదె
ఆరయ నేనిపుడు నంటితిఁగాని
బీరములదాననా పెడ్లి నేఁడెఆయ
సారెసారెవేఁడుకొంటా చనవిచ్చీఁగాక
(||pallavi||)
maṁchivām̐ḍĕ nā vibhum̐ḍu maguvalāla
vaṁchugovalasi tānĕ valabiṁchĕm̐ gāgā
(||maṁchi||)
mŏgamusūsinavām̐ḍu mŏdalam̐ dānĕ kadavĕ
nagavurām̐gā vĕnaga navvidim̐gāni
yĕgasakyabudānavā yiṁdaru nĕram̐gaguṁḍa
agaḍu seyavalasi anīniṁtĕgāgā
(||maṁchi||)
kām̐giliṁchugŏnnavām̐ḍu gaṭṭigam̐ dānĕ kadavĕ
pām̐gina machchālu mari paṭṭidim̐gāni
rām̐gadanamudānanā rāsigĕkkinnāḽlāya
vem̐gusesi mosidiṁcha viṁtasesīm̐gāgā
(||maṁchi||)
seri kūḍinaṭṭivām̐ḍu śhrīvĕṁkaḍeśhum̐ḍĕ kadĕ
āraya nenibuḍu naṁṭidim̐gāni
bīramuladānanā pĕḍli nem̐ḍĕāya
sārĕsārĕvem̐ḍugŏṁṭā sanavichchīm̐gāga