(॥పల్లవి॥)
మంచివాఁడవయ్య నీవు మరిగి సిగ్గువడవు
యెంచరాని నీ వలపు ఇటు చూపవలెనా
(॥॥)
నవ్వులకు నీతోను నాతియానడిమాటలు
రవ్వలేల నేపవు రచ్చలోనను
పువ్వుల వేసే వప్పటి బుజ్జగించే వంతలోనె
ఇవ్వల నీగజరులు ఇటు చూపవలెనా
(॥॥)
విందువలె మోవితేనె వెలఁది యొసగి తేను
అందరిలో నేల చెప్పే వంగడి నీవు
అందు కొనేవు పయ్యెద అట్టె చన్నులు మూసేవు
ఇందు లోనే తమకములు యిటు చూపవలెనా
(॥॥)
కలసి మెలసి యింతి కాఁగిలించి కూడితేను
వెలినేల నవ్వేవు వేడుకతోను
యెలమి శ్రీవేంకటేశ యేలి కమ్మటి నంటేవు
యిలపై నీ యెమెలెల్లా నిటు చూపవలెనా
(||pallavi||)
maṁchivām̐ḍavayya nīvu marigi sigguvaḍavu
yĕṁcharāni nī valabu iḍu sūbavalĕnā
(||||)
navvulagu nīdonu nādiyānaḍimāḍalu
ravvalela nebavu rachchalonanu
puvvula vese vappaḍi bujjagiṁche vaṁtalonĕ
ivvala nīgajarulu iḍu sūbavalĕnā
(||||)
viṁduvalĕ movidenĕ vĕlam̐di yŏsagi tenu
aṁdarilo nela sĕppe vaṁgaḍi nīvu
aṁdu kŏnevu payyĕda aṭṭĕ sannulu mūsevu
iṁdu lone tamagamulu yiḍu sūbavalĕnā
(||||)
kalasi mĕlasi yiṁti kām̐giliṁchi kūḍidenu
vĕlinela navvevu veḍugadonu
yĕlami śhrīveṁkaḍeśha yeli kammaḍi naṁṭevu
yilabai nī yĕmĕlĕllā niḍu sūbavalĕnā