మగువల కొసరులు మగఁడె చేకొనవలె
(॥పల్లవి॥)
మగువల కొసరులు మగఁడె చేకొనవలె
నిగిడి బుద్దులు నాకు నేరుపవయ్యా
(॥మగు॥)
చేముట్టి నీవు నాతోచేరి సరసమాడఁగ
యేమంటినో నిన్ను యెరఁగ నేను
కామించిన నా మోహమే కానుకవట్టితి నీకు
దీమసపు నా తప్పు దిద్దుకోవ య్యా
(॥మగు॥)
పంతమున నీవు నన్ను పచ్చిసేసి పెనఁగఁగ
యెంతసేసితినో నిన్ను యెరఁగ నేను
సంతతము నావయసు జన్నెవట్టితి నీకు
యెంతైనా నావిన్నప మీడేరించవయ్యా
(॥మగు॥)
గట్టిగా నీరతులలోఁ గలసి భోగించఁగాను
యెట్టుండెనో నీచిత్త మెరఁగ నేను
యిట్టె శ్రీవెంకటేశ యేలితివి నన్ను నీవు
మట్టులేని నాకోరిక మన్నించవయ్యా
(||pallavi||)
maguvala kŏsarulu magam̐ḍĕ segŏnavalĕ
nigiḍi buddulu nāgu nerubavayyā
(||magu||)
semuṭṭi nīvu nādoseri sarasamāḍam̐ga
yemaṁṭino ninnu yĕram̐ga nenu
kāmiṁchina nā mohame kānugavaṭṭidi nīgu
dīmasabu nā tappu diddugova yyā
(||magu||)
paṁtamuna nīvu nannu pachchisesi pĕnam̐gam̐ga
yĕṁtasesidino ninnu yĕram̐ga nenu
saṁtadamu nāvayasu jannĕvaṭṭidi nīgu
yĕṁtainā nāvinnaba mīḍeriṁchavayyā
(||magu||)
gaṭṭigā nīradulalom̐ galasi bhogiṁcham̐gānu
yĕṭṭuṁḍĕno nīsitta mĕram̐ga nenu
yiṭṭĕ śhrīvĕṁkaḍeśha yelidivi nannu nīvu
maṭṭuleni nāgoriga manniṁchavayyā