మగువ నిన్నే కాని మరి యన్య మెఱఁగదు
(॥పల్లవి॥)
మగువ నిన్నే కాని మరి యన్య మెఱఁగదు
జిగి నీపై వలపులు చిత్తగించవయ్యా
(॥మగువ॥)
చన్నులమీఁది పయ్యద జారినదీ నెఱఁగదు
కిన్నెర మీఁటి నిన్ను గిలిగించీని
చిన్ని చెక్కులఁ గారేటి చెమటలు నెఱఁగదు
యెన్నిక తానాల తోడ నెలుఁగెత్తి పాడీని
(॥మగువ॥)
తురుము వీడి విరులు తొరిగేది నెఱఁగదు
సిరుల నీపైఁ బదాలు చెప్పి చొక్కీని
సరుగన మొలనూలు సళ్లినదీ నెఱఁగదు
వరుస నీ గుణాలెల్లా వ్రాసి వర్ణించీని
(॥మగువ॥)
పొదలిన మేనెల్లా బలకించే దెఱఁగదు
సదరాన నిన్నుఁ గూడి సంతోసించీని
పెదవిపై కెంపులు బెరసిన దెఱఁగదు
యిదె శ్రీవేంకటేశ ని న్నెచ్చరిక సేసీని
(||pallavi||)
maguva ninne kāni mari yanya mĕṟam̐gadu
jigi nībai valabulu sittagiṁchavayyā
(||maguva||)
sannulamīm̐di payyada jārinadī nĕṟam̐gadu
kinnĕra mīm̐ṭi ninnu giligiṁchīni
sinni sĕkkulam̐ gāreḍi sĕmaḍalu nĕṟam̐gadu
yĕnniga tānāla toḍa nĕlum̐gĕtti pāḍīni
(||maguva||)
turumu vīḍi virulu tŏrigedi nĕṟam̐gadu
sirula nībaim̐ badālu sĕppi sŏkkīni
sarugana mŏlanūlu saḽlinadī nĕṟam̐gadu
varusa nī guṇālĕllā vrāsi varṇiṁchīni
(||maguva||)
pŏdalina menĕllā balagiṁche dĕṟam̐gadu
sadarāna ninnum̐ gūḍi saṁtosiṁchīni
pĕdavibai kĕṁpulu bĕrasina dĕṟam̐gadu
yidĕ śhrīveṁkaḍeśha ni nnĕchchariga sesīni