(॥పల్లవి॥)
మగువ నేను నీవు మగవాఁడవు
తగ దొక్కజాతి గాదు తలవయ్య నీవు
(॥మగు॥)
వేఁకపు వెన్నెలముగ్గు వేడుక నామోము నిగ్గు
చీఁకటినీలపుగీము జిగి నీమోము
యేఁకట నీకును నాకు నేఁటిపొందు నన్నంత
తాఁకనాఁడవద్దు వద్దు తలవయ్య నీవు
(॥మగు॥)
కలువరేకులముంపు కలికి నీకనుసొంపు
జలజపురూపు నీ చాయలచూపు
యెలమితో నిందు కందు కేవూరి కేవూరు
తొలఁకు గచ్చులు మాని తొలవయ్య నీవు
(॥మగు॥)
తనరుఁ గొండల తరతరము నావురము
మినుకువజ్రపుటేను మించు నీమేను
ఘనుఁడ శ్రీ వెంకటేశ కలయు నీరతులలోఁ
దనిసి నే నొక్క టైతిఁ దలవయ్య నీవు
(||pallavi||)
maguva nenu nīvu magavām̐ḍavu
taga dŏkkajādi gādu talavayya nīvu
(||magu||)
vem̐kabu vĕnnĕlamuggu veḍuga nāmomu niggu
sīm̐kaḍinīlabugīmu jigi nīmomu
yem̐kaḍa nīgunu nāgu nem̐ṭibŏṁdu nannaṁta
tām̐kanām̐ḍavaddu vaddu talavayya nīvu
(||magu||)
kaluvaregulamuṁpu kaligi nīganusŏṁpu
jalajaburūbu nī sāyalasūbu
yĕlamido niṁdu kaṁdu kevūri kevūru
tŏlam̐ku gachchulu māni tŏlavayya nīvu
(||magu||)
tanarum̐ gŏṁḍala taradaramu nāvuramu
minuguvajrabuḍenu miṁchu nīmenu
ghanum̐ḍa śhrī vĕṁkaḍeśha kalayu nīradulalom̐
danisi ne nŏkka ṭaidim̐ dalavayya nīvu