(॥పల్లవి॥)
మగవాఁడిది యెరిఁగి మగువల నేలవలె
నిగిడి వో రమణుఁడ నీ చిత్తమిఁకను
(॥మగ॥)
వినయమే చూపును విభుఁడెంత జరసినా
చనవున గర్వించదు జాణైనది
పెనఁగులాడదు యెంత బెట్టిసరసమాడినా
మనసు రామెలఁగును మర్మఁమెరిగినది
(॥మగ॥)
మచ్చికలే నెరపును మగఁడెంత పరాకైనా
కొచ్చి నేరాలెంచదు గుణియైనది
రచ్చలోఁ జెప్పుకొనదు రతికెంత పలిచినా
విచ్చనవిడి భోగించు వెరవరియైనది
(॥మగ॥)
గక్కనఁ గాఁగిటనించు కాంతుఁడెంత బిగిసినా
వుక్కుమీరి యలుగదు వొద్దికైనది
యిక్కడ శ్రీ వేంకటేశ యేలితివి నన్ను నేఁడు
యిక్కువలు గరఁగించు యితవరియైనది
(||pallavi||)
magavām̐ḍidi yĕrim̐gi maguvala nelavalĕ
nigiḍi vo ramaṇum̐ḍa nī sittamim̐kanu
(||maga||)
vinayame sūbunu vibhum̐ḍĕṁta jarasinā
sanavuna garviṁchadu jāṇainadi
pĕnam̐gulāḍadu yĕṁta bĕṭṭisarasamāḍinā
manasu rāmĕlam̐gunu marmam̐mĕriginadi
(||maga||)
machchigale nĕrabunu magam̐ḍĕṁta parāgainā
kŏchchi nerālĕṁchadu guṇiyainadi
rachchalom̐ jĕppugŏnadu radigĕṁta palisinā
vichchanaviḍi bhogiṁchu vĕravariyainadi
(||maga||)
gakkanam̐ gām̐giḍaniṁchu kāṁtum̐ḍĕṁta bigisinā
vukkumīri yalugadu vŏddigainadi
yikkaḍa śhrī veṁkaḍeśha yelidivi nannu nem̐ḍu
yikkuvalu garam̐giṁchu yidavariyainadi