మగరూపు నాఁడురూపు మారుచుకొని రిద్దరు
(॥పల్లవి॥)
మగరూపు నాఁడురూపు మారుచుకొని రిద్దరు
సొగిసెద్దము చూపరే చూచుకొని రిద్దరు దామే
(॥మగ॥)
కలికి కస్తూరి బొట్టు కాంతునినొసల నంటె
నిలువునామము పైపై నెలఁత కంటె
అలివేణికొప్పు జారి ఆతనికొప్పుపై వాలె
అలరె నీతని సిక ఆతనిపాపటపైని
(॥మగు॥)
కుంకుమగుబ్బలపూఁతగురుతు విభుని కంటె
అంకెఁ బతిరొమ్ముబొచ్చు ఆకె కంటేను
కంకణాలగాజులచేయి ఘనునిసందిటఁ జిక్కె
అంకపు సాముల చేయి ఆకెసందిఁ జిక్కెను
(॥మగ॥)
మట్టెలపాదము లవె మగిడె నాతనిమీఁద
నిట్టపెద్దపాదము నిలిచె నందు
యిట్టె శ్రీ వేంకటేశుఁ డింతిఁ గూడి పానుపుపై
పట్టపగ లిందరిని భ్రమయించి రిదివో
(||pallavi||)
magarūbu nām̐ḍurūbu mārusugŏni riddaru
sŏgisĕddamu sūbare sūsugŏni riddaru dāme
(||maga||)
kaligi kastūri bŏṭṭu kāṁtuninŏsala naṁṭĕ
niluvunāmamu paibai nĕlam̐ta kaṁṭĕ
aliveṇigŏppu jāri ādanigŏppubai vālĕ
alarĕ nīdani siga ādanibābaḍabaini
(||magu||)
kuṁkumagubbalabūm̐tagurudu vibhuni kaṁṭĕ
aṁkĕm̐ badirŏmmubŏchchu āgĕ kaṁṭenu
kaṁkaṇālagājulaseyi ghanunisaṁdiḍam̐ jikkĕ
aṁkabu sāmula seyi āgĕsaṁdim̐ jikkĕnu
(||maga||)
maṭṭĕlabādamu lavĕ magiḍĕ nādanimīm̐da
niṭṭabĕddabādamu nilisĕ naṁdu
yiṭṭĕ śhrī veṁkaḍeśhum̐ ḍiṁtim̐ gūḍi pānububai
paṭṭabaga liṁdarini bhramayiṁchi ridivo