మదించిన యేనుగను మావటీఁడు దిద్దినట్టు
(॥పల్లవి॥)
మదించిన యేనుగను మావటీఁడు దిద్దినట్టు
త్రిదశవంద్యుఁడ నీవే తిప్పఁగదే మనసు
(॥మదిం॥)
నేరమి సేసినవాఁడు నిక్కపుటేలికఁగని
తారితారి యిందునందు దాఁగినయట్టు
తీరని పంచేంద్రియాల దిమ్మరియై తిరిగాడి
కోరి నీపై భక్తియంటే కొలుపదు మనసు
(॥మదిం॥)
పగసేసుకొన్నవాఁడు బలు మందసములోన
వెగటు జాగరముల వేగించినట్టు
మిగుల వేదమార్గము మీరి పాపమునఁ జిక్కి
జిగి నిన్నుఁ జేరుమంటే జింతించీ మనసు
(॥మదిం॥)
నిరుఁబేదయైనవాఁడు నిధానము పొడగని
గరిమ భ్రమసి యట్టే కాచుకున్నట్టు
యిరవై శ్రీవేంకటేశ యిట్టే నిన్నుఁ బొడగని
వెరవున నీగుణాలు వెదకీని మనసు
(||pallavi||)
madiṁchina yenuganu māvaḍīm̐ḍu diddinaṭṭu
tridaśhavaṁdyum̐ḍa nīve tippam̐gade manasu
(||madiṁ||)
nerami sesinavām̐ḍu nikkabuḍeligam̐gani
tāridāri yiṁdunaṁdu dām̐ginayaṭṭu
tīrani paṁcheṁdriyāla dimmariyai tirigāḍi
kori nībai bhaktiyaṁṭe kŏlubadu manasu
(||madiṁ||)
pagasesugŏnnavām̐ḍu balu maṁdasamulona
vĕgaḍu jāgaramula vegiṁchinaṭṭu
migula vedamārgamu mīri pābamunam̐ jikki
jigi ninnum̐ jerumaṁṭe jiṁtiṁchī manasu
(||madiṁ||)
nirum̐bedayainavām̐ḍu nidhānamu pŏḍagani
garima bhramasi yaṭṭe kāsugunnaṭṭu
yiravai śhrīveṁkaḍeśha yiṭṭe ninnum̐ bŏḍagani
vĕravuna nīguṇālu vĕdagīni manasu