(॥పల్లవి॥)
మదవికారములు మానేవో, నా
యెదురనె నీవు నేఁడింకాఁ జేసేవో
(॥మద॥)
నందవ్రజములోన నాఁడు నీవు గొల్ల
మందల మగువల మరగించీనా
మందులుమాయలు మఱచితివో, యిప్పు
డిందూ నామీఁద నింకాఁ జేసేవో
(॥మద॥)
నలినాప్తకులుఁడవైనాఁడు నీవు ఇంతిం
గలకాలమెల్ల నంగడిబెట్టినా
మలినపు మాటలు మఱచితివో నన్ను
నెలయించి కాఁకల నింకా సేపేవో
(॥మద॥)
నరసింహుఁడవై నాఁడు నీవు పెక్కు
మురిపెంపు వికారములఁ బోయినా
తిరువేంకటేశ పొందితివి నన్ను నీ
యిర వైన యీ చేఁత లింకాఁ జేసేవో
(||pallavi||)
madavigāramulu mānevo, nā
yĕduranĕ nīvu nem̐ḍiṁkām̐ jesevo
(||mada||)
naṁdavrajamulona nām̐ḍu nīvu gŏlla
maṁdala maguvala maragiṁchīnā
maṁdulumāyalu maṟasidivo, yippu
ḍiṁdū nāmīm̐da niṁkām̐ jesevo
(||mada||)
nalināptagulum̐ḍavainām̐ḍu nīvu iṁtiṁ
galagālamĕlla naṁgaḍibĕṭṭinā
malinabu māḍalu maṟasidivo nannu
nĕlayiṁchi kām̐kala niṁkā sebevo
(||mada||)
narasiṁhum̐ḍavai nām̐ḍu nīvu pĕkku
muribĕṁpu vigāramulam̐ boyinā
tiruveṁkaḍeśha pŏṁdidivi nannu nī
yira vaina yī sem̐ta liṁkām̐ jesevo