(॥పల్లవి॥)
మతంగపర్వతమాడ మాల్యవంతము నీడ
అతిశయిల్లిన పెద్ద హనుమంతుఁడితఁడా
(॥మతం॥)
యీతఁడా రామునిబంటు యీతఁడా వాయుసుతుఁడు
ఆతతబలాఢ్యుఁడందు రాతఁడితఁడా
సీతను వెదకివచ్చి చెప్పిన యాతఁడితఁడా
ఘాతల లంకలోని రాక్షసవైరి యితఁడా
(॥మతం॥)
అంజనాసుతుఁ డితఁడా అక్షమర్దనుఁ డితఁడా
సంజీవనికొండ దెచ్చె సారె నితఁడా
భంజించెఁ గాలనేమిని పంతమున నితఁడా
రంజితప్రతాప కపిరాజసఖుఁ డితఁడా
(॥మతం॥)
చిరజీవి యీతఁడా జితేంద్రియుఁ డితఁడా
సురల కుపకారపుచుట్ట మీతఁడా
నిరతి శ్రీవేంకటాద్రిని విజనగరములో-
నరిది వరములిచ్చీ నందరికి నితఁడా
(||pallavi||)
madaṁgabarvadamāḍa mālyavaṁtamu nīḍa
adiśhayillina pĕdda hanumaṁtum̐ḍidam̐ḍā
(||madaṁ||)
yīdam̐ḍā rāmunibaṁṭu yīdam̐ḍā vāyusudum̐ḍu
ādadabalāḍhyum̐ḍaṁdu rādam̐ḍidam̐ḍā
sīdanu vĕdagivachchi sĕppina yādam̐ḍidam̐ḍā
ghādala laṁkaloni rākṣhasavairi yidam̐ḍā
(||madaṁ||)
aṁjanāsudum̐ ḍidam̐ḍā akṣhamardanum̐ ḍidam̐ḍā
saṁjīvanigŏṁḍa dĕchchĕ sārĕ nidam̐ḍā
bhaṁjiṁchĕm̐ gālanemini paṁtamuna nidam̐ḍā
raṁjidapradāba kabirājasakhum̐ ḍidam̐ḍā
(||madaṁ||)
sirajīvi yīdam̐ḍā jideṁdriyum̐ ḍidam̐ḍā
surala kubagārabusuṭṭa mīdam̐ḍā
niradi śhrīveṁkaḍādrini vijanagaramulo-
naridi varamulichchī naṁdarigi nidam̐ḍā