మచ్చిక గలిగితేనేమి మరఁగు వద్దా
(॥పల్లవి॥)
మచ్చిక గలిగితేనేమి మరఁగు వద్దా
పచ్చిదేర నేమిటికి బయలీఁదేవే
(॥మచ్చి॥)
కొలువు లోపల మోము కొచ్చి కొచ్చి చూచుకొంటా
మలసి సొలసి యేమి మాఁటలాడేవే
నలి నీ యెమ్మెలు చూచి నవ్వేవారి నెరఁగవు
యెలమి నీ పగటులు యెంత చూపేవే
(॥మచ్చి॥)
పొట్టఁబొరుగున నుండి బొమ్మల జంకించుకొంటా
ఇట్టె బీరాన నెంత యెలయించేవే
చుట్టుకొన్న వలపుల సుద్దులు దలఁచుకోవు
చుట్టరికాలనే యెంత సూడువట్టేవే
(॥మచ్చి॥)
సంగడివే కూచుండి చన్నుల నొరసుకొంటా
యెంగిలి మోవినే యెంత యింపురేఁచేవే
చెంగటనే నన్నుఁ గూడె శ్రీవేంకటేశుఁడు
ముంగిట నీ యాస లెన్ని మొలవఁ బెట్టేవే
(||pallavi||)
machchiga galigidenemi maram̐gu vaddā
pachchidera nemiḍigi bayalīm̐deve
(||machchi||)
kŏluvu lobala momu kŏchchi kŏchchi sūsugŏṁṭā
malasi sŏlasi yemi mām̐ṭalāḍeve
nali nī yĕmmĕlu sūsi navvevāri nĕram̐gavu
yĕlami nī pagaḍulu yĕṁta sūbeve
(||machchi||)
pŏṭṭam̐bŏruguna nuṁḍi bŏmmala jaṁkiṁchugŏṁṭā
iṭṭĕ bīrāna nĕṁta yĕlayiṁcheve
suṭṭugŏnna valabula suddulu dalam̐sugovu
suṭṭarigālane yĕṁta sūḍuvaṭṭeve
(||machchi||)
saṁgaḍive kūsuṁḍi sannula nŏrasugŏṁṭā
yĕṁgili movine yĕṁta yiṁpurem̐seve
sĕṁgaḍane nannum̐ gūḍĕ śhrīveṁkaḍeśhum̐ḍu
muṁgiḍa nī yāsa lĕnni mŏlavam̐ bĕṭṭeve