మచ్చరములుఁ గపటంబులు మానినంత మరికదా
(॥పల్లవి॥)
మచ్చరములుఁ గపటంబులు మానినంత మరికదా
విచ్చలవిడి నా యాసల వీఁగఁదోల నోపుటా
(॥మచ్చ॥)
చంచలమగు నామనసిది మంచిదైన మరికదా
పంచేంద్రియముల పోరునఁ బడకమానుటా
కొంచెపరచునాకోపముఁ గోసివేసి మరికదా
కంచపుఁ బాపంబులలోఁ గడతేరుటా
(॥మచ్చ॥)
వుడివోని దీపనమున కోరిచినె మరికదా
జడివట్టిన నాజిహ్వచాపల్యము మానుటా
చిడుముడి నాభోగంబులఁ జిక్కువడక మరికదా
విడువని సంసార మనెటివెల్లి దాఁటనోపుటా
(॥మచ్చ॥)
తరితీపులమోహంబునఁ మరికదా
కెరలిన యీలోభంబున గెలువ నోపుటా
నెరవుగ శ్రీవిష్ణుభక్తి నిలుకడైన మరికదా
గరగరికలనె శ్రీవెంకటనాథునిఁ జేరుటా
(||pallavi||)
machcharamulum̐ gabaḍaṁbulu māninaṁta marigadā
vichchalaviḍi nā yāsala vīm̐gam̐dola nobuḍā
(||machcha||)
saṁchalamagu nāmanasidi maṁchidaina marigadā
paṁcheṁdriyamula porunam̐ baḍagamānuḍā
kŏṁchĕbarasunāgobamum̐ gosivesi marigadā
kaṁchabum̐ bābaṁbulalom̐ gaḍaderuḍā
(||machcha||)
vuḍivoni dībanamuna korisinĕ marigadā
jaḍivaṭṭina nājihvasābalyamu mānuḍā
siḍumuḍi nābhogaṁbulam̐ jikkuvaḍaga marigadā
viḍuvani saṁsāra manĕḍivĕlli dām̐ṭanobuḍā
(||machcha||)
taridībulamohaṁbunam̐ marigadā
kĕralina yīlobhaṁbuna gĕluva nobuḍā
nĕravuga śhrīviṣhṇubhakti nilugaḍaina marigadā
garagarigalanĕ śhrīvĕṁkaḍanāthunim̐ jeruḍā