(॥పల్లవి॥)
మాయలో మునుఁగ నేల మమత లేల
చేయారా దేవుఁ డీపాటి సేయ నోపఁడా
(॥మాయ॥)
అట్టె దేహసమ్మంధ మాసపడేజీవులాల
పట్టి హరిసమ్మంధాన బ్రదుకరాదా
నెట్టన సర్వాంతరాత్మైనిలుచున్న దేవుఁడిట్టె
చుట్టాలపక్కాలపాటి శుభ మియ్య నోపఁడా
(॥మాయ॥)
మోసపోక ధనధాన్యములు గూర్చే దేహులాల
వేసరక విష్ణుభక్తి వెదకరాదా
రాసి కెక్క యిందరిని రక్షించేదేవుఁడె
కాసువీసములపాటి కావ నోపఁడా
(॥మాయ॥)
వెలయ రాజులను దీవించే ప్రాణులాల
కల శ్రీవెంకటనాథుఁ గానఁగ రాదా
వలె నని యిందరికి వరాలిచ్చే దేవుఁ డేమి
కొలువునిలువుపాటిగుణ మియ్య నోపఁడా
(||pallavi||)
māyalo munum̐ga nela mamada lela
seyārā devum̐ ḍībāḍi seya nobam̐ḍā
(||māya||)
aṭṭĕ dehasammaṁdha māsabaḍejīvulāla
paṭṭi harisammaṁdhāna bradugarādā
nĕṭṭana sarvāṁtarātmainilusunna devum̐ḍiṭṭĕ
suṭṭālabakkālabāḍi śhubha miyya nobam̐ḍā
(||māya||)
mosaboga dhanadhānyamulu gūrse dehulāla
vesaraga viṣhṇubhakti vĕdagarādā
rāsi kĕkka yiṁdarini rakṣhiṁchedevum̐ḍĕ
kāsuvīsamulabāḍi kāva nobam̐ḍā
(||māya||)
vĕlaya rājulanu dīviṁche prāṇulāla
kala śhrīvĕṁkaḍanāthum̐ gānam̐ga rādā
valĕ nani yiṁdarigi varālichche devum̐ ḍemi
kŏluvuniluvubāḍiguṇa miyya nobam̐ḍā