మాయలఁ బొరలఁగనేఁటికి మనసా కలకాలంబును
(॥పల్లవి॥)
మాయలఁ బొరలఁగనేఁటికి మనసా కలకాలంబును
యేయెడ లక్ష్మీకాంతుఁ డీతనిఁ దలఁచవుగా
(॥మాయ॥)
మన్నునఁ బుట్టిన కాయము మన్నున నణఁగేటి దింతే
మిన్నుల మీఁదికిఁ బోవదు మెరయుచు నెంతైనా
అన్నిట నీ జీవునికిని అంతర్యామీ దేవుఁడు
యెన్నఁడుఁ బాయని బంధువుఁ డీతనిఁ దలఁచవుగా
(॥మాయ॥)
ధరపైఁ బుట్టిన దేహము ధరపైఁ బుట్టి(ట్టు?)న దింతే
పరమానందము గోరదు పైపై నెంతయినా
గరిమల నీ జీవునికిని గతియగు దేవుం డీతఁడు
నిరతపు సుఖములె యొసఁగును నీవిటు దలఁచవుగా
(॥మాయ॥)
శ్రీవేంకటపతి సొమ్ములు చేరెడి దాతని నింతే
ఆవల నితరుల నంటవు ఆతుమ లన్నియును
యేవిధముల నీ జీవుని కేలికె యీదేవుండే
పావనముగ బ్రదికించెను పయికొని తలఁచవుగా
(||pallavi||)
māyalam̐ bŏralam̐ganem̐ṭigi manasā kalagālaṁbunu
yeyĕḍa lakṣhmīgāṁtum̐ ḍīdanim̐ dalam̐savugā
(||māya||)
mannunam̐ buṭṭina kāyamu mannuna naṇam̐geḍi diṁte
minnula mīm̐digim̐ bovadu mĕrayusu nĕṁtainā
anniḍa nī jīvunigini aṁtaryāmī devum̐ḍu
yĕnnam̐ḍum̐ bāyani baṁdhuvum̐ ḍīdanim̐ dalam̐savugā
(||māya||)
dharabaim̐ buṭṭina dehamu dharabaim̐ buṭṭi(ṭṭu?)na diṁte
paramānaṁdamu goradu paibai nĕṁtayinā
garimala nī jīvunigini gadiyagu devuṁ ḍīdam̐ḍu
niradabu sukhamulĕ yŏsam̐gunu nīviḍu dalam̐savugā
(||māya||)
śhrīveṁkaḍabadi sŏmmulu serĕḍi dādani niṁte
āvala nidarula naṁṭavu āduma lanniyunu
yevidhamula nī jīvuni keligĕ yīdevuṁḍe
pāvanamuga bradigiṁchĕnu payigŏni talam̐savugā