(॥పల్లవి॥)
మానుప వశమా మాయ లివన్నియు
శ్రీనాథుఁడు మును సేసినవే
(॥మాను॥)
రాతిరి చీఁకటి రతిఁ బగలు వెలుఁగు
ఘాతల నెప్పుడు గలదిదియే
యీతల జ్ఞానుల కిల నజ్ఞానుల-
జాతివైరములు సహజములే
(॥మాను॥)
అసురలకు సురల కనాది నుండియు
అసమున వైరంబది గలదే
యెసగి వైష్ణవుల కిలఁ బ్రాకృతులకు
పొసఁగని వాదము భువిఁ గలదె
(॥మాను॥)
యిహమునుఁ బరమును యీలంకెలతో
విహితము చెప్పెడి వేదములే
అహిపతి శ్రీవేంకటాధిపు మతమిది
నిహితం బెఱిఁగిన నిశ్చలమే
(||pallavi||)
mānuba vaśhamā māya livanniyu
śhrīnāthum̐ḍu munu sesinave
(||mānu||)
rādiri sīm̐kaḍi radim̐ bagalu vĕlum̐gu
ghādala nĕppuḍu galadidiye
yīdala jñānula kila najñānula-
jādivairamulu sahajamule
(||mānu||)
asuralagu surala kanādi nuṁḍiyu
asamuna vairaṁbadi galade
yĕsagi vaiṣhṇavula kilam̐ brākṛtulagu
pŏsam̐gani vādamu bhuvim̐ galadĕ
(||mānu||)
yihamunum̐ baramunu yīlaṁkĕlado
vihidamu sĕppĕḍi vedamule
ahibadi śhrīveṁkaḍādhibu madamidi
nihidaṁ bĕṟim̐gina niśhchalame