(॥పల్లవి॥)
మాటలు నేరుతువుగా మాయమ్మా
యేఁటికి నాతని నీవే యేలవమ్మా
(॥మాటలు॥)
చేయరాని విన్నపాలు నేసిసేసి విభునింత
మాయలఁబెట్టితివి గా మాయమ్మా
రాయడించి యిఁకను నారాజ్యమెల్ల నీవే
నేయవమ్మా నేనేమి సేసేనమ్మా
(॥మాటలు॥)
ఎందును నీకతఁడు నోరెత్తకుండ మంత్రాలు
మందులు నేరుతువుగా మాయమ్మా
చెందరాని సుఖమెల్లఁ జెలఁగి యాతఁడు నీవే
చెందవమ్మా నాకేల చిన్నదానికమ్మా
(॥మాటలు॥)
వన్నెల వేంకటపతి వలఁబెట్టి యతనిచే
మన్ననఁ బొందితిగా మాయమ్మా
నన్నుఁజూడుమిఁకను నీ ననిచిన యతని నే
సన్నలఁ జిక్కించుకొంటిఁ జాలదా నాకమ్మా
(||pallavi||)
māḍalu neruduvugā māyammā
yem̐ṭigi nādani nīve yelavammā
(||māḍalu||)
seyarāni vinnabālu nesisesi vibhuniṁta
māyalam̐bĕṭṭidivi gā māyammā
rāyaḍiṁchi yim̐kanu nārājyamĕlla nīve
neyavammā nenemi sesenammā
(||māḍalu||)
ĕṁdunu nīgadam̐ḍu norĕttaguṁḍa maṁtrālu
maṁdulu neruduvugā māyammā
sĕṁdarāni sukhamĕllam̐ jĕlam̐gi yādam̐ḍu nīve
sĕṁdavammā nāgela sinnadānigammā
(||māḍalu||)
vannĕla veṁkaḍabadi valam̐bĕṭṭi yadanise
mannanam̐ bŏṁdidigā māyammā
nannum̐jūḍumim̐kanu nī nanisina yadani ne
sannalam̐ jikkiṁchugŏṁṭim̐ jāladā nāgammā