మాపులే మరణములు రేపులే పుట్టువులు
(॥పల్లవి॥)
మాపులే మరణములు రేపులే పుట్టువులు
చాపలాలు మాని విష్ణు శరణను మనసా
(॥మాపు॥)
చాలునంటే యించుకంతే చాలును జన్మమునకు
చాలకున్న లోకమెల్లఁ జాలదు
వీలిన యీయాసా వెర్రివాని చేతిరాయి
చాలు నింక హరి నిట్టె శరణను జీవుఁడా
(॥మాపు॥)
పాఱకున్న పశుబాలై బడలదు మనసు
పాఱితే జవ్వనమునఁ బట్టరాదు
మీఱిన నీరుకొద్ది దామెర యింతె యెంచి చూడ
జాఱవిడిచి దేవుని శరణను జీవుఁడా
(॥మాపు॥)
సేయకున్నఁ గర్మము శ్రీపతిసేవనే వుండు
సేయఁబోతేఁ గాలమెల్లా సేనాసేన
వోయయ్య యిది యెల్లా వుమినాఁకే చవుతాలు
చాయల శ్రీవేంకటేశు శరణను జీవుఁడా
(||pallavi||)
mābule maraṇamulu rebule puṭṭuvulu
sābalālu māni viṣhṇu śharaṇanu manasā
(||mābu||)
sālunaṁṭe yiṁchugaṁte sālunu janmamunagu
sālagunna logamĕllam̐ jāladu
vīlina yīyāsā vĕrrivāni sedirāyi
sālu niṁka hari niṭṭĕ śharaṇanu jīvum̐ḍā
(||mābu||)
pāṟagunna paśhubālai baḍaladu manasu
pāṟide javvanamunam̐ baṭṭarādu
mīṟina nīrugŏddi dāmĕra yiṁtĕ yĕṁchi sūḍa
jāṟaviḍisi devuni śharaṇanu jīvum̐ḍā
(||mābu||)
seyagunnam̐ garmamu śhrībadisevane vuṁḍu
seyam̐bodem̐ gālamĕllā senāsena
voyayya yidi yĕllā vuminām̐ke savudālu
sāyala śhrīveṁkaḍeśhu śharaṇanu jīvum̐ḍā