Oro kanavilum

ഓരോ കനവിലും ഓരോ നിനവിലും
ഒരേ ഒരാളിനെ ഓര്‍മിക്കും
ഞാന്‍ ഒരേ ഒരാളിനെ ഓര്‍മ്മിക്കും
ഓരോ ദിവസവും ഓരോ നിമിഷവും
ഒരേ ഒരാളിനെ കാത്തിരിക്കും

ഒരു കുടന്ന പൂക്കളുമായി
ഓടിയെത്തും പൂങ്കാറ്റേ
എന്‍ പ്രിയ തോഴന്‍ ചിരിക്കുന്ന പോലെ
എന്തിനു കിളിവാതില്‍ കിലുക്കി?
എന്നെ പരിഹസിക്കാനോ?

ഒരു പൊന്മുകിലിന്‍ യവനിക നീക്കി
ഒളിഞ്ഞു നോക്കും ശശിലേഖേ
പ്രിയതമന്‍ അണയും മുന്‍പേ എന്തിനു
വിദളിത സൂനങ്ങള്‍ വിതറി?
എന്നെ പരിഹസിക്കാനോ?