(॥పల్లవి॥)
లోకము లోపల లూటిబెట్టు - ఇది
కైకొని హరి యెరఁగవుగా నీవు
(॥లోక॥)
ములుగుచు వెనకయు ముందరయును నొచ్చి
పలుమారుఁ గుంటెడి వసురము
నెలకొని వెదకేము నిన్నమాపటినుండి
నలిననాభుఁడ కానవుగా నీవు
(॥లోక॥)
భంగించి తొల్లియు బలుమారు గొనిపోయి
దొంగలు విడిచిన తురగము
ముంగిటలేదు యేమూల నొదిగినదో
అంగజపతి అరయవుగా నీవు
(॥లోక॥)
కొంకక యడవి మాఁకులుఁ గంపలు మేసి
బింక మెడలి పారు పెనుమృగము
వేంకటపతి దీని వెదకి కానలేము
సంకె వాయుఁ దేర్చవుగా నీవు
(||pallavi||)
logamu lobala lūḍibĕṭṭu - idi
kaigŏni hari yĕram̐gavugā nīvu
(||loga||)
mulugusu vĕnagayu muṁdarayunu nŏchchi
palumārum̐ guṁṭĕḍi vasuramu
nĕlagŏni vĕdagemu ninnamābaḍinuṁḍi
nalinanābhum̐ḍa kānavugā nīvu
(||loga||)
bhaṁgiṁchi tŏlliyu balumāru gŏniboyi
dŏṁgalu viḍisina turagamu
muṁgiḍaledu yemūla nŏdiginado
aṁgajabadi arayavugā nīvu
(||loga||)
kŏṁkaga yaḍavi mām̐kulum̐ gaṁpalu mesi
biṁka mĕḍali pāru pĕnumṛgamu
veṁkaḍabadi dīni vĕdagi kānalemu
saṁkĕ vāyum̐ dersavugā nīvu