లేవే యెక్కడ సుద్ది లెస్సాయను
(॥పల్లవి॥)
లేవే యెక్కడ సుద్ది లెస్సాయను
యీవేళ విడెమియ్యవే యీతనికిని
(॥లేవే॥)
జవ్వన పాయపు సతి చలము సాదించితేను
యెవ్వరు బుద్ధులు సెప్పేరింక మరి
నవ్వుతా విభుఁడంటితే నాటెనింతే కొనగోరు
పవ్వళించి యిందుకుఁగాఁ బలుకకుండుదురా
(॥లేవే॥)
ఆఁటది మంకువట్టి అట్టె మాఁటాడకుంటే
వాఁటానఁజెప్ప నొరుల వశమౌనా
చాటువఁబట్టి తీసితే జారెనింతే నీతురుము
తేటలుగా నింతలోనే తెరవేసుకొందురా
(॥లేవే॥)
దేవులు శ్రీ వెంకటేశుఁ దెలిసి వురమెక్కితే
కావరించి నేము వంకలు దిద్దేమా
భావించి నిన్నుఁగూడితే పచ్చాయనింతె మోవి
మూవంక సిగ్గునఁ గరముల మూసుకొందురా
(||pallavi||)
leve yĕkkaḍa suddi lĕssāyanu
yīveḽa viḍĕmiyyave yīdanigini
(||leve||)
javvana pāyabu sadi salamu sādiṁchidenu
yĕvvaru buddhulu sĕpperiṁka mari
navvudā vibhum̐ḍaṁṭide nāḍĕniṁte kŏnagoru
pavvaḽiṁchi yiṁdugum̐gām̐ balugaguṁḍudurā
(||leve||)
ām̐ṭadi maṁkuvaṭṭi aṭṭĕ mām̐ṭāḍaguṁṭe
vām̐ṭānam̐jĕppa nŏrula vaśhamaunā
sāḍuvam̐baṭṭi tīside jārĕniṁte nīdurumu
teḍalugā niṁtalone tĕravesugŏṁdurā
(||leve||)
devulu śhrī vĕṁkaḍeśhum̐ dĕlisi vuramĕkkide
kāvariṁchi nemu vaṁkalu diddemā
bhāviṁchi ninnum̐gūḍide pachchāyaniṁtĕ movi
mūvaṁka siggunam̐ garamula mūsugŏṁdurā