లేఁతచిగురిదె పవ్వళించవయ్య కానికె
(॥పల్లవి॥)
లేఁతచిగురిదె పవ్వళించవయ్య కానికె
బాఁతిగాఁ గమ్మనితావిఁ బాయక మీఁటైనది
(॥లేత॥)
ఇంపుల వెలఁగపండ్లిందవయ్య కానికె
గుంపుఁ దేకుటాకు మరఁగున నున్నవి
కెంపుమోవిపండు చిత్తగించవయ్య కానికె
దింపని తేనెలపెరతీపులసోఁకినది
(॥లేత॥)
పంచల వాఁడమ్ములివె పటవయ్య కానికె
పొంచి తొంగలిగరుల పొది నున్నవి
కొంచెపు వెన్నెలలివె కోవయ్య కానికె
మంచిమొల్ల మొగుడల మాఁటునాఁ బాయనివి
(॥లేత॥)
ఇప్పుడె వేంకటేశ నీకెక్కఁగా నాకానికె
చిప్పిలుఁబన్నీటినిండుఁ జెలమైనది
దప్పిదేరేమాటలతో దక్కెఁగా నాకానికె
కొప్పునెరుల విరులకుమ్మరింతలైనది
(||pallavi||)
lem̐tasiguridĕ pavvaḽiṁchavayya kānigĕ
bām̐tigām̐ gammanidāvim̐ bāyaga mīm̐ṭainadi
(||leda||)
iṁpula vĕlam̐gabaṁḍliṁdavayya kānigĕ
guṁpum̐ deguḍāgu maram̐guna nunnavi
kĕṁpumovibaṁḍu sittagiṁchavayya kānigĕ
diṁpani tenĕlabĕradībulasom̐kinadi
(||leda||)
paṁchala vām̐ḍammulivĕ paḍavayya kānigĕ
pŏṁchi tŏṁgaligarula pŏdi nunnavi
kŏṁchĕbu vĕnnĕlalivĕ kovayya kānigĕ
maṁchimŏlla mŏguḍala mām̐ṭunām̐ bāyanivi
(||leda||)
ippuḍĕ veṁkaḍeśha nīgĕkkam̐gā nāgānigĕ
sippilum̐bannīḍiniṁḍum̐ jĕlamainadi
dappideremāḍalado dakkĕm̐gā nāgānigĕ
kŏppunĕrula virulagummariṁtalainadi