(॥పల్లవి॥)
లేఁతచెమటలనె తెలిసె మాకు నీకు
నీఁతలు మోఁతలునైన యింటిలోని సాము
(॥లేఁత॥)
పొదలు నీ నిట్టూరుపులనె తెలిసె మాకు
తుద మీరు వలరాచతొలిసాము
చెదరు నీ నెరులు చూచిననె తెలిసె మాకు
వెదచలు కాఁకల విరహపు సాము
(॥లేఁత॥)
పొలిఁతి నీ చూపువంపులనె తెలిసె మాకు
తలపోఁతవగల బిత్తరిసాము
పలుకకుండిన నీ కోపాననె తెలిసె మాకు
అలవోక నగవు నీ అరవిరిసాము
(॥లేఁత॥)
వొద్దికఁ గస్తూరితావులనె తెలిసె మాకు
గద్దరి నీ రతుల చీఁకటిసాము
ముద్దుల నీ నగవుల మోమునఁ దెలిసె మాకు
నిద్దపు వేంకటపతి నెరపిన సాము
(||pallavi||)
lem̐tasĕmaḍalanĕ tĕlisĕ māgu nīgu
nīm̐talu mom̐talunaina yiṁṭiloni sāmu
(||lem̐ta||)
pŏdalu nī niṭṭūrubulanĕ tĕlisĕ māgu
tuda mīru valarāsadŏlisāmu
sĕdaru nī nĕrulu sūsinanĕ tĕlisĕ māgu
vĕdasalu kām̐kala virahabu sāmu
(||lem̐ta||)
pŏlim̐ti nī sūbuvaṁpulanĕ tĕlisĕ māgu
talabom̐tavagala bittarisāmu
palugaguṁḍina nī kobānanĕ tĕlisĕ māgu
alavoga nagavu nī aravirisāmu
(||lem̐ta||)
vŏddigam̐ gastūridāvulanĕ tĕlisĕ māgu
gaddari nī radula sīm̐kaḍisāmu
muddula nī nagavula momunam̐ dĕlisĕ māgu
niddabu veṁkaḍabadi nĕrabina sāmu