(॥పల్లవి॥)
లేఁత మాయలు నీకు నింతేసి
పూఁత సిగ్గులే బూమిలో వారికి (?)
యీఁత వలపు చిత్తములోన నెవ్వరికైనఁ దెలుసునే*
(॥లేత॥)
కొప్పునఁ జిన్ని కొనలు సాగ కురులు దురుమ నేఁటికే
కుప్పలే గాఁగఁ జెక్కులదాఁ క కుంకుమ పూయనేఁటికే
ముప్పిరి గొసఁగ రెప్పల తుదల ముద్దులు గునియ నేఁటికే
నిప్పక సెలవిఁబార నవ్వుచు వింతలు సేయనేఁటికే
(॥లేత॥)
గుబ్బల మించులు పయ్యెద వెడల కులికి నడవ నేఁటికే
గబ్బితనము చూపులోని కలికి లాగుల లేఁటికే
వొబ్బిడియైన చెలుల లోన వొయ్యారము లేఁటికే
అబ్బుర పడఁ జూచిన వారి కాసలు సేయనేఁటికే
(॥లేత॥)
కొండల తిమ్మని జూచి లోలో కుతిల కుడువ నేఁటికే
కొండుక వయసు వారికింత గుట్టున నడవ నేఁటికే
యెండయు నీడయు నిపుడె కంటి మెమ్మెలఁ బొరల నేఁటికే
కొండత మేలు సేసిన వారిని కొడి మెలెన్న నేఁటికే
(||pallavi||)
lem̐ta māyalu nīgu niṁtesi
pūm̐ta siggule būmilo vārigi (?)
yīm̐ta valabu sittamulona nĕvvarigainam̐ dĕlusune*
(||leda||)
kŏppunam̐ jinni kŏnalu sāga kurulu duruma nem̐ṭige
kuppale gām̐gam̐ jĕkkuladām̐ ka kuṁkuma pūyanem̐ṭige
muppiri gŏsam̐ga rĕppala tudala muddulu guniya nem̐ṭige
nippaga sĕlavim̐bāra navvusu viṁtalu seyanem̐ṭige
(||leda||)
gubbala miṁchulu payyĕda vĕḍala kuligi naḍava nem̐ṭige
gabbidanamu sūbuloni kaligi lāgula lem̐ṭige
vŏbbiḍiyaina sĕlula lona vŏyyāramu lem̐ṭige
abbura paḍam̐ jūsina vāri kāsalu seyanem̐ṭige
(||leda||)
kŏṁḍala timmani jūsi lolo kudila kuḍuva nem̐ṭige
kŏṁḍuga vayasu vārigiṁta guṭṭuna naḍava nem̐ṭige
yĕṁḍayu nīḍayu nibuḍĕ kaṁṭi mĕmmĕlam̐ bŏrala nem̐ṭige
kŏṁḍada melu sesina vārini kŏḍi mĕlĕnna nem̐ṭige