(॥పల్లవి॥)
లంజకాఁడవౌదువురా
లంజకాఁడవౌదువు నీ లాగులెల్లఁ గానవచ్చె
ముంజేతఁ బెట్టిన సొమ్ములకద్దమేలరా*
(॥లంజ॥)
కొంకక యెవ్వతో కాని కోరి నీబుజము మీఁద
కంకణాల చేయి వేసి కౌఁగిలించఁ బోలును
వంకలైన వొత్తులెల్ల వడిఁ గానవచ్చె నింక
బొంక నేమిటికిరా నీ బూమెలెల్లఁ గంటిమి
(॥లంజ॥)
ఒద్దిక నెవ్వతో గాని వోరి నీవురము మీఁద
నిద్దిరించఁ గంటమాల నీలములొత్తినది
తిద్దిన జాణవుగాన తిరిగి తిరిగి మాతో
బద్దనేఁటికిరా నేఁ బచ్చి సేయఁ జాలను
(॥లంజ॥)
వేడుక నెవ్వతో తిరువేంకటేశ్వర నిన్ను
కూడిన నీమేనితావి కొల్ల వట్టుకొన్నది
తోడనె నాకౌఁగిటిలో దొరకొంటి వింక నిన్ను-
నాడ నేమిటికిరా నా యలపెల్లఁ దీరెను
(||pallavi||)
laṁjagām̐ḍavauduvurā
laṁjagām̐ḍavauduvu nī lāgulĕllam̐ gānavachchĕ
muṁjedam̐ bĕṭṭina sŏmmulagaddamelarā*
(||laṁja||)
kŏṁkaga yĕvvado kāni kori nībujamu mīm̐da
kaṁkaṇāla seyi vesi kaum̐giliṁcham̐ bolunu
vaṁkalaina vŏttulĕlla vaḍim̐ gānavachchĕ niṁka
bŏṁka nemiḍigirā nī būmĕlĕllam̐ gaṁṭimi
(||laṁja||)
ŏddiga nĕvvado gāni vori nīvuramu mīm̐da
niddiriṁcham̐ gaṁṭamāla nīlamulŏttinadi
tiddina jāṇavugāna tirigi tirigi mādo
baddanem̐ṭigirā nem̐ bachchi seyam̐ jālanu
(||laṁja||)
veḍuga nĕvvado tiruveṁkaḍeśhvara ninnu
kūḍina nīmenidāvi kŏlla vaṭṭugŏnnadi
toḍanĕ nāgaum̐giḍilo dŏragŏṁṭi viṁka ninnu-
nāḍa nemiḍigirā nā yalabĕllam̐ dīrĕnu