(॥పల్లవి॥)
లలితలావణ్య విలాసముతోడ
నెలఁత ధన్యత గలిగె నేఁటితోడ
(॥లలిత॥)
కుప్పలుగా మైనసలుకొన్న కస్తూరితోడ
తొప్పఁదోగేటి చెమటతోడ
అప్పుడటు శశిరేఖలైన చనుఁగనతోడ
దప్పిదేరేటి మోముఁదమ్మితోడ
(॥లలిత॥)
కులుకుఁ గబరీభరము కుంతలంబులతోడ
తొలఁగఁ దోయని ప్రేమతోడ
మొలకనవ్వులు దొలఁకు ముద్దుఁజూపులతోడ
పులకలు పొడవైన పొలుపుతోడ
(॥లలిత॥)
తిరువేంకటాచలాధిపుని మన్ననతోడ
సరిలేని దివ్యవాసనలతోడ
పరికించరాని అరవిరిభావముతోడ
సిరి దొలఁకెడి చిన్నిసిగ్గుతోడ
(||pallavi||)
lalidalāvaṇya vilāsamudoḍa
nĕlam̐ta dhanyada galigĕ nem̐ṭidoḍa
(||lalida||)
kuppalugā mainasalugŏnna kastūridoḍa
tŏppam̐dogeḍi sĕmaḍadoḍa
appuḍaḍu śhaśhirekhalaina sanum̐ganadoḍa
dappidereḍi momum̐dammidoḍa
(||lalida||)
kulugum̐ gabarībharamu kuṁtalaṁbuladoḍa
tŏlam̐gam̐ doyani premadoḍa
mŏlaganavvulu dŏlam̐ku muddum̐jūbuladoḍa
pulagalu pŏḍavaina pŏlubudoḍa
(||lalida||)
tiruveṁkaḍāsalādhibuni mannanadoḍa
sarileni divyavāsanaladoḍa
parigiṁcharāni araviribhāvamudoḍa
siri dŏlam̐kĕḍi sinnisiggudoḍa