కుసుమకోమలి విభునిఁ గొనియాడు నెయ్యంపు
(॥పల్లవి॥)
కుసుమకోమలి విభునిఁ గొనియాడు నెయ్యంపు
వసివాడు మోము నవ్వక నవ్వినట్లు
(॥కుసుమ॥)
చెలియ గుబ్బలమీఁది జిలుఁగుఁ బయ్యెద మెఱుఁగు
చలివెలుఁగు ననల దాఁచక దాఁచినట్లు
పొలఁతి మొలనూలి మొగపులదీప్తి సంసార
ఫల మిక్కడనుచు చూపక చూపినట్లు
(॥కుసుమ॥)
తరుణి కనుఁగొనల బిత్తరి చూపు విభుమీఁది
పరవశం బెల్లఁ జెప్పక చెప్పినట్లు
గరితవ్రేఁకపుఁగొప్పు గడలు లావణ్యంబు
సరసత్వ మెల్లఁ బెంచక పెంచినట్లు
(॥కుసుమ॥)
ఇంతి శ్రీ తిరువేంకటేశుఁ బొందినరతి
శ్రాంతి సౌఖ్యములు దలఁచక తలఁచినట్లు
కాంత లోఁ గొన్న మరుగతులు చెలులకుఁ దెలుపు
మంతనపు బాస పొడమక పొడిమినట్లు
(||pallavi||)
kusumagomali vibhunim̐ gŏniyāḍu nĕyyaṁpu
vasivāḍu momu navvaga navvinaṭlu
(||kusuma||)
sĕliya gubbalamīm̐di jilum̐gum̐ bayyĕda mĕṟum̐gu
salivĕlum̐gu nanala dām̐saga dām̐sinaṭlu
pŏlam̐ti mŏlanūli mŏgabuladīpti saṁsāra
phala mikkaḍanusu sūbaga sūbinaṭlu
(||kusuma||)
taruṇi kanum̐gŏnala bittari sūbu vibhumīm̐di
paravaśhaṁ bĕllam̐ jĕppaga sĕppinaṭlu
garidavrem̐kabum̐gŏppu gaḍalu lāvaṇyaṁbu
sarasatva mĕllam̐ bĕṁchaga pĕṁchinaṭlu
(||kusuma||)
iṁti śhrī tiruveṁkaḍeśhum̐ bŏṁdinaradi
śhrāṁti saukhyamulu dalam̐saga talam̐sinaṭlu
kāṁta lom̐ gŏnna marugadulu sĕlulagum̐ dĕlubu
maṁtanabu bāsa pŏḍamaga pŏḍiminaṭlu