कुणाच्या खांदयावर कुणाचे ओझे
कशासाठी उतरावे तंबू ठोकून
कोण मेले कोणासाठी रक्त ओकून
जगतात येथे कुणी मनात कुजून
तरी कसे फुलतात गुलाब हे ताजे
दीप सारे जाती येथे विरून विझून
वृक्ष जाती अंधारात गोठून झडून
जीवनाशी घेती पैजा घोकून घोकून
म्हणती हे वेडे पीर तरी आम्ही राजे
अंत झाला अस्ताआधी जन्म एक व्याधी
वेदनांची गाणी म्हणजे पोकळ समाधी
देई कोण हाळी त्याचा पडे बळी आधी
हारापरी हौतात्म्य हे त्याच्यागळी साजे
kuṇāchyā khāṅdyāvar kuṇāche ojhe
kaśhāsāṭhī utrāve taṅbū ṭhokūn
koṇ mele koṇāsāṭhī rakt okūn
jagtāt yethe kuṇī manāt kujūn
tarī kase phultāt gulāb he tāje
dīp sāre jātī yethe virūn vijhūn
vṛkṣh jātī aṅdhārāt goṭhūn jhaḍūn
jīvnāśhī ghetī paijā ghokūn ghokūn
mhaṇtī he veḍe pīr tarī āmhī rāje
aṅt jhālā astāādhī janm ek vyādhī
vednāṅchī gāṇī mhaṇje pokaḻ samādhī
deī koṇ hāḻī tyāchā paḍe baḻī ādhī
hārāprī hautātmy he tyāchyāgḻī sāje