(॥పల్లవి॥)
కుంకుమచెమటలంటా గొణగేవు మరు-
దొంకెన తామరల నెత్తురుచారలమ్మా
(॥కుంకు॥)
కోవిదునిమీఁద నేల కోపగించేవతని కె-
మ్మోవి కప్పు మరునియమ్ములతాఁకులే
తావుల వింతలకుఁ గాఁతాళించేవతనిపై
భావజువింటి పూవు బారిఁ బడెనమ్మా
(॥కుంకు॥)
నొసలి కస్తూరంటా నొగిలేవాతనిపై
కసటుఁగాఁకల కందుగందము చూచి
యెసగ గందవొడంటా యెఱ్ఱఁబారేవాతనిపై
పసని మదనుదాడి బలుదుమ్ములమ్మా
(॥కుంకు॥)
ఆఁటదాని గోరితాఁకుల నేవాతనిపై
నాఁటినచందురుని సన్నపు రేకలే
గాఁటపుఁ గాఁగిటను వేంకటపతి నీకు దక్కె
యేఁటికి నాతనివింకా నెగ్గులెన్నేవమ్మా
(||pallavi||)
kuṁkumasĕmaḍalaṁṭā gŏṇagevu maru-
dŏṁkĕna tāmarala nĕtturusāralammā
(||kuṁku||)
kovidunimīm̐da nela kobagiṁchevadani kĕ-
mmovi kappu maruniyammuladām̐kule
tāvula viṁtalagum̐ gām̐tāḽiṁchevadanibai
bhāvajuviṁṭi pūvu bārim̐ baḍĕnammā
(||kuṁku||)
nŏsali kastūraṁṭā nŏgilevādanibai
kasaḍum̐gām̐kala kaṁdugaṁdamu sūsi
yĕsaga gaṁdavŏḍaṁṭā yĕṭram̐bārevādanibai
pasani madanudāḍi baludummulammā
(||kuṁku||)
ām̐ṭadāni goridām̐kula nevādanibai
nām̐ṭinasaṁduruni sannabu regale
gām̐ṭabum̐ gām̐giḍanu veṁkaḍabadi nīgu dakkĕ
yem̐ṭigi nādaniviṁkā nĕggulĕnnevammā