(॥పల్లవి॥)
కులుకక నడవరో కొమ్మలాలా
జలజలన రాలీని జాజులు మా యమ్మకు
(॥కులు॥)
ఒయ్యనే మేను గదిలీ నొప్పుగా నడవరో
గయ్యాళి శ్రీపాదతాఁకు కాంతలాలా
పయ్యెద చెఱగు జారీ భారపు గుబ్బలమీఁద
అయ్యో చెమరించె మా యమ్మకు నెన్నుదురు
(॥కులు॥)
చల్లెడి గందవొడి మైజారీ నిలువరో
పల్లకి వట్టిన ముద్దు బణఁతులాల
మొల్లమైన కుందనపు ముత్యాల కుచ్చులదర
గల్లనుచుఁ గంకణాలు గదలీ మాయమ్మకు
(॥కులు॥)
జమళి ముత్యాలతోడి చమ్మాళిగ లిడరో
రమఱికి మణుల నారతులెత్తురో
అమరించి కౌగిట నలమేలుమంగనిదె
సమకూడె వేంకటేశ్వరుఁడు మాయమ్మకు
(||pallavi||)
kulugaga naḍavaro kŏmmalālā
jalajalana rālīni jājulu mā yammagu
(||kulu||)
ŏyyane menu gadilī nŏppugā naḍavaro
gayyāḽi śhrībādadām̐ku kāṁtalālā
payyĕda sĕṟagu jārī bhārabu gubbalamīm̐da
ayyo sĕmariṁchĕ mā yammagu nĕnnuduru
(||kulu||)
sallĕḍi gaṁdavŏḍi maijārī niluvaro
pallagi vaṭṭina muddu baṇam̐tulāla
mŏllamaina kuṁdanabu mutyāla kuchchuladara
gallanusum̐ gaṁkaṇālu gadalī māyammagu
(||kulu||)
jamaḽi mutyāladoḍi sammāḽiga liḍaro
ramaṟigi maṇula nāradulĕtturo
amariṁchi kaugiḍa nalamelumaṁganidĕ
samagūḍĕ veṁkaḍeśhvarum̐ḍu māyammagu