കണ്ണാരം പൊത്തിപാടാം
അപ്പൂപ്പനൊരാന കളിക്കാം
പുന്നാര കൊച്ചു കേശു വാ വാ വാ...
ഈ കളിയൊരു കളിയല്ലല്ലോ...
ഈ ചിരിയൊരു ചിരിയല്ലല്ലോ...
കാല്തളയിൽ താളം പോരല്ലോ...
അച്ഛന്റൊരു ചിങ്കിരി മുത്തായ് ആടാൻ വാ...
അമ്മയ്ക്കൊരു പുഞ്ചിരിമത്താപ്പായ് വായോ...
കണ്ണാടിക്കവിളിൽ മറുകും
പവിഴച്ചുണ്ടിൽ കുസൃതിക്കൊഞ്ചലുമായ് വാ...
ഈ കളിയൊരു കളിയല്ലല്ലോ...
ഈ ചിരിയൊരു ചിരിയല്ലല്ലോ...
കാല്തളയിൽ താളം പോരല്ലോ...
അപ്പൂപ്പനൊരുങ്ങുമ്പോൾ കുട്ടനൊളിച്ചേ...
അമ്മൂമ്മ വരും നേരം ഓടി മറഞ്ഞേ...
ആ കയ്യിലൊളിപ്പിച്ചല്ലോ..ഈ കയ്യിലൊളിപ്പിച്ചല്ലോ
അമ്മാനപൂപ്പന്തു്...
ഞെട്ടില്ലാ വട്ടകയിൽ അമ്മാനച്ചേലുണ്ടോ...
അപ്പൂപ്പാ ചൊല്ലുമോ കണ്ടുപിടിക്കാമോ...
ഈ കളിയൊരു കളിയല്ലല്ലോ...
ഈ ചിരിയൊരു ചിരിയല്ലല്ലോ...
കാല്തളയിൽ താളം പോരല്ലോ...
പൊന്നാനത്തുമ്പിക്കു് പട്ടം കെട്ടി
കുടവട്ടപ്പാടത്തു് കോലം തുള്ളി
മുല്ലപ്പൂം പല്ലു കുരുത്തു
ചെത്തിപ്പൂം കവിളു തുടുത്തു
കുന്നിമണിച്ചെപ്പു തുറന്നേ വായേ...
ചെപ്പൊന്നുതുറന്നേരം മുത്തെല്ലാമെങ്ങു പോയ്
അപ്പൂപ്പാ ചൊല്ലുമോ...കണ്ടുപിടിക്കാമോ...
(ഈ കളിയൊരു കളിയല്ലല്ലോ....)