Neelakkannugalo.. tottene nyaaan

നീലക്കണ്ണുകളോ ദിനാന്തമധുരസ്വപ്നങ്ങള്‍ തന്‍
ചന്ദനച്ചോലയ്ക്കുള്ളില്‍ വിടര്‍ന്നു പാതിയടയും
നൈവേദ്യ പുഷ്പങ്ങളോ?
കാലം കൊത്തിയെടുത്ത ഹംസദമയന്തീ ശില്‍പ്പം
ഇന്നും നളന്നാലങ്കാരിക ഭംഗിയോടെയെഴുതും
സന്ദേശകാവ്യങ്ങളോ.... സന്ദേശകാവ്യങ്ങളോ?

തൊട്ടേനേ ഞാന്‍ മനസ്സുകൊണ്ട് കെട്ടിപ്പിടിച്ചേനേ - ഈ
ചിത്രത്തൂണിലെ പ്രതിമപോലെ മാറില്‍
ഒട്ടിപ്പിടിച്ചേനെ

മുന്നില്‍ മൃഗാംഗബിംബം മുഖം പാതി മൂടിയ
സ്വര്‍ണ്ണമേഘത്തുകില്‍ ഞൊറിത്തുമ്പില്‍
ചെഞ്ചൊടികൊണ്ടൊരു നക്ഷത്ര ചിഹ്നത്തിന്‍
ചിത്രം വരച്ചേനെ ഞാന്‍ ചിത്രം വരച്ചേനെ

മോഹം മനസ്സിനുള്ളില്‍ സ്വരപ്പെടുത്തുന്നൊരീ
മൌനസംഗീതത്തിന്‍ ചിറകൊതുക്കീ
മറ്റൊരാള്‍ മീട്ടാത്ത മാണിക്യവീണയായ്
മടിയില്‍ക്കിടന്നേനേ ഞാന്‍
മടിയില്‍ക്കിടന്നേനേ