కొత్తలు నీ చేఁతలు గోవిందరాజ
(॥పల్లవి॥)
కొత్తలు నీ చేఁతలు గోవిందరాజ
పొత్తుల మగఁడవై భోగించే విపుడు
(॥కొత్త॥)
పాదము లిద్దరి మీఁదఁ బంచివేసి చాఁచుకొని
సోదించి నీవిరుమొన సూదివైతివి
సాదించి యిద్దరు చేతి సన్నల నిన్నునొత్తఁగా
దాదాత వలపు దూఁచే తాసు వలెనైతివి
(॥కొత్త॥)
కన్ను సన్నల నిద్దరి కళలు రేఁచి రేఁచి
వన్నెసరసముల కావడివైతివి
అన్నిటా సెలవుల నవ్వాపెకు నీపెకు నిచ్చి
పన్ని రెండు చక్రముల బండివైతివి
(॥కొత్త॥)
అండనె శ్రీ వేంకటేశ అదె గోవిందరాజవై
చండిదీర సిరికి భూసతికి నీవు
రెండు చేతుల యిద్దరికిఁ గాఁగిలిచ్చియిచ్చి
కొండుక జమళి పెండ్లి కొడుకవునైతివి
(||pallavi||)
kŏttalu nī sem̐talu goviṁdarāja
pŏttula magam̐ḍavai bhogiṁche vibuḍu
(||kŏtta||)
pādamu liddari mīm̐dam̐ baṁchivesi sām̐sugŏni
sodiṁchi nīvirumŏna sūdivaidivi
sādiṁchi yiddaru sedi sannala ninnunŏttam̐gā
dādāda valabu dūm̐se tāsu valĕnaidivi
(||kŏtta||)
kannu sannala niddari kaḽalu rem̐si rem̐si
vannĕsarasamula kāvaḍivaidivi
anniḍā sĕlavula navvābĕgu nībĕgu nichchi
panni rĕṁḍu sakramula baṁḍivaidivi
(||kŏtta||)
aṁḍanĕ śhrī veṁkaḍeśha adĕ goviṁdarājavai
saṁḍidīra sirigi bhūsadigi nīvu
rĕṁḍu sedula yiddarigim̐ gām̐gilichchiyichchi
kŏṁḍuga jamaḽi pĕṁḍli kŏḍugavunaidivi