(॥పల్లవి॥)
కొత్తపెండ్లికూఁతురవు కోమలివి కడుఁగడు-
పొత్తులకు రమ్మంటేను బులియఁగఁ దగునా
(॥కొత్త॥)
అలరి పతికి నిచ్చలాడనేవలెఁ గాక
చలపాదితనమేల జవరాలికి
పిలిచినప్పుడే వచ్చి పెనఁగఁగవలెఁ గాక
నిలువున గుట్టుతోడ నీటు చూపఁ దగునా
(॥కొత్త॥)
మగనికి వేడుకతో మనసియ్యవలెఁ గాక
జిగురుమంకులవేల చెలియకును
నగినప్పుడే మరి ననుపుఁ గావలెఁ గాక
యెగసక్కెములకును యింత సేయఁ దగునా
(॥కొత్త॥)
శ్రీవేంకటేశు నిట్టే చేరి కూడవలెఁ గాక
కావిరి పంతములేల దేవులకును
యీవేళ నేలె నితఁడు యిది మెచ్చవలెఁ గాక
కోవరముగా నింకాఁ గొసరఁగఁ దగునా
(||pallavi||)
kŏttabĕṁḍligūm̐turavu komalivi kaḍum̐gaḍu-
pŏttulagu rammaṁṭenu buliyam̐gam̐ dagunā
(||kŏtta||)
alari padigi nichchalāḍanevalĕm̐ gāga
salabādidanamela javarāligi
pilisinappuḍe vachchi pĕnam̐gam̐gavalĕm̐ gāga
niluvuna guṭṭudoḍa nīḍu sūbam̐ dagunā
(||kŏtta||)
maganigi veḍugado manasiyyavalĕm̐ gāga
jigurumaṁkulavela sĕliyagunu
naginappuḍe mari nanubum̐ gāvalĕm̐ gāga
yĕgasakkĕmulagunu yiṁta seyam̐ dagunā
(||kŏtta||)
śhrīveṁkaḍeśhu niṭṭe seri kūḍavalĕm̐ gāga
kāviri paṁtamulela devulagunu
yīveḽa nelĕ nidam̐ḍu yidi mĕchchavalĕm̐ gāga
kovaramugā niṁkām̐ gŏsaram̐gam̐ dagunā