(॥పల్లవి॥)
కొసరి కొసరి యిఁకఁ గోరఁగనేఁటికి
అసురవైరి శరణనుటే చాలు
(॥కొస॥)
సంతతభోగము జననబంధములు
జంతురాసులకు సహజము
వంతురక్షకత్వము కరుణ భువి
నంతర్యామికి నది సహజము
(॥కొస॥)
కలకాలంబును గామముఁ గ్రోధము
చలమును బ్రాణుల సహజము
సులభత్వంబును సొరిది వదాన్యత
అల లక్ష్మిపతికది సహజము
(॥కొస॥)
వుడుగనికర్మము లొడలోముటలును
జడులము మాకిది సహజము
యెడయక శ్రీవేంకటేశ నీకు మము
నడరి కాచుటే అది సహజము
(||pallavi||)
kŏsari kŏsari yim̐kam̐ goram̐ganem̐ṭigi
asuravairi śharaṇanuḍe sālu
(||kŏsa||)
saṁtadabhogamu jananabaṁdhamulu
jaṁturāsulagu sahajamu
vaṁturakṣhagatvamu karuṇa bhuvi
naṁtaryāmigi nadi sahajamu
(||kŏsa||)
kalagālaṁbunu gāmamum̐ grodhamu
salamunu brāṇula sahajamu
sulabhatvaṁbunu sŏridi vadānyada
ala lakṣhmibadigadi sahajamu
(||kŏsa||)
vuḍuganigarmamu lŏḍalomuḍalunu
jaḍulamu māgidi sahajamu
yĕḍayaga śhrīveṁkaḍeśha nīgu mamu
naḍari kāsuḍe adi sahajamu