(॥పల్లవి॥)
కోరిన కోరికెలెల్లా కొమ్మయందే కలిగీని
చేరి కామయజ్ఞ మిట్టే సేయవయ్యా నీవు
(॥కోరి॥)
సుదతి మోవి తేనెలు సోమపానము నీకు
పొదుపైన తమ్ములము పురోడాశము
మదన పరిభాషలు మంచి వేదమంత్రములు
అదె కామయజ్ఞము సేయవయ్యా నీవు
(॥కోరి॥)
కలికి పయ్యద నీకు కప్పిన కృష్ణాజినము
నలువైన గుబ్బలు కనక పాత్రలు
కలసేటి సరసాలు కర్మ తంత్ర విభవాలు
చెలగి కామయజ్ఞము సేయవయ్యా నీవు
(॥కోరి॥)
కామిని కాగిలి నీకు ఘనమైన యాగశాల
ఆముకొన్న చెమటలే యవబృథము
యీమేరనే శ్రీవేంకటేశ నన్ను నేలితి
చేముంచి కామయజ్ఞము సేయవయ్యా నీవు
(||pallavi||)
korina korigĕlĕllā kŏmmayaṁde kaligīni
seri kāmayajña miṭṭe seyavayyā nīvu
(||kori||)
sudadi movi tenĕlu somabānamu nīgu
pŏdubaina tammulamu puroḍāśhamu
madana paribhāṣhalu maṁchi vedamaṁtramulu
adĕ kāmayajñamu seyavayyā nīvu
(||kori||)
kaligi payyada nīgu kappina kṛṣhṇājinamu
naluvaina gubbalu kanaga pātralu
kalaseḍi sarasālu karma taṁtra vibhavālu
sĕlagi kāmayajñamu seyavayyā nīvu
(||kori||)
kāmini kāgili nīgu ghanamaina yāgaśhāla
āmugŏnna sĕmaḍale yavabṛthamu
yīmerane śhrīveṁkaḍeśha nannu nelidi
semuṁchi kāmayajñamu seyavayyā nīvu