(॥పల్లవి॥)
కూరిమిచేఁతలు కొండలుఁ గోట్లయి
గారవించి యింతిఁ గాచినది
(॥కూరి॥)
వన్నెల మాటల వాకిటితంగెటి-
జున్నుకు వడగాలి సోఁకినది
విన్నని చూపుల వెన్నెల బయిటను
సన్నపు ముత్యాలు చల్లినవి
(॥కూరి॥)
ముద్దుల నవ్వులు ముంగిటిబంగారు
అద్దములోఁ జిగురంటినది
తిద్దిన మెఱుంగు దీఁగెకుఁ బన్నీట-
నద్దుట గడు వేడుకైనది
(॥కూరి॥)
చక్కని కొండల చరులీ వెన్నెల-
వక్కలు పైపైనె వాలినవి
యెక్కువై శ్రీ వేంకటేశుని కౌఁగిటి-
నొక్కుల కిట్టే నోఁచినది
(||pallavi||)
kūrimisem̐talu kŏṁḍalum̐ goṭlayi
gāraviṁchi yiṁtim̐ gāsinadi
(||kūri||)
vannĕla māḍala vāgiḍidaṁgĕḍi-
junnugu vaḍagāli som̐kinadi
vinnani sūbula vĕnnĕla bayiḍanu
sannabu mutyālu sallinavi
(||kūri||)
muddula navvulu muṁgiḍibaṁgāru
addamulom̐ jiguraṁṭinadi
tiddina mĕṟuṁgu dīm̐gĕgum̐ bannīḍa-
nadduḍa gaḍu veḍugainadi
(||kūri||)
sakkani kŏṁḍala sarulī vĕnnĕla-
vakkalu paibainĕ vālinavi
yĕkkuvai śhrī veṁkaḍeśhuni kaum̐giḍi-
nŏkkula kiṭṭe nom̐sinadi