కూడుదు రూరకె వొకచో గుమి విత్తురు వేరొకచో
(॥పల్లవి॥)
కూడుదు రూరకె వొకచో గుమి విత్తురు వేరొకచో
యేడకొ తెరువులు నడతురు యేఁటిదో హరిమాయ
(॥కూడు॥)
కొందరు జీవులు పురుషులు కొందరు కాంతలు
కొందరు గొందరు నానాకువలయజంతువులు
యిందరుఁగూడుక భువిలో నేమోయేమో చేసెద -
రెందును నేమియుఁ గానరు యిట్టిది హరిమాయ
(॥కూడు॥)
జననంబులు మరణంబులు జమునుదయాస్త మయంబులు
జనులివిగనుచునె కనకము సరినార్జింపుదురు
పొనుగుచు నిలిచినదేదో పోయినదేదో కానము
యెనగొని వెరగయ్యీనిదె యిట్టిది హరిమాయ
(॥కూడ॥)
జీవులకీ బ్రహ్మాండము చీమలపుట్ట విధంబున
కావరమిటు గప్పున్నది కాలత్రయములను
తావుల శ్రీవేంకటపతి దాసులు చొరకిటు నవ్వఁగ
యీవల నావలఁ బొదిగీ నిట్టిది హరిమాయ
(||pallavi||)
kūḍudu rūragĕ vŏgaso gumi vitturu verŏgaso
yeḍagŏ tĕruvulu naḍaduru yem̐ṭido harimāya
(||kūḍu||)
kŏṁdaru jīvulu puruṣhulu kŏṁdaru kāṁtalu
kŏṁdaru gŏṁdaru nānāguvalayajaṁtuvulu
yiṁdarum̐gūḍuga bhuvilo nemoyemo sesĕda -
rĕṁdunu nemiyum̐ gānaru yiṭṭidi harimāya
(||kūḍu||)
jananaṁbulu maraṇaṁbulu jamunudayāsta mayaṁbulu
januliviganusunĕ kanagamu sarinārjiṁpuduru
pŏnugusu nilisinadedo poyinadedo kānamu
yĕnagŏni vĕragayyīnidĕ yiṭṭidi harimāya
(||kūḍa||)
jīvulagī brahmāṁḍamu sīmalabuṭṭa vidhaṁbuna
kāvaramiḍu gappunnadi kālatrayamulanu
tāvula śhrīveṁkaḍabadi dāsulu sŏragiḍu navvam̐ga
yīvala nāvalam̐ bŏdigī niṭṭidi harimāya