(॥పల్లవి॥)
కూడని దొకటొకటి కోరీ మరుబలము
ఆడనె నీసతి కన్నియుఁ గూడె
(॥కూడ॥)
పొంగెటిమనసే వెలిపులక మొలకలు
అంగపుఁ జెమట మోహపుఁ గరఁగు
వెంగలితమకములు విసరెటి వూర్పులు
అంగన కిదివో అన్నియునుఁ గూడె
(॥కూడ॥)
యెనసిన యాసలె యెదురుల చూపులు
అనుగుఁ గూరిములె ఆలకింపులు
నినుపు మోమోటములె నిండిన నివ్వెరగులు
అనయము సతి కిప్పు డన్నియునుఁ గూడె
(॥కూడ॥)
కాఁగిటిపరవశాలు కన్నులతేలింపులు
చేఁగల సిగ్గులె చిరునవ్వులూ
యీగతి శ్రీ వెంకటేశ యింతలో విచ్చేసి చెలి
నాఁగి కూడఁగా నివి యన్నియునుఁ గూడె
(||pallavi||)
kūḍani dŏgaḍŏgaḍi korī marubalamu
āḍanĕ nīsadi kanniyum̐ gūḍĕ
(||kūḍa||)
pŏṁgĕḍimanase vĕlibulaga mŏlagalu
aṁgabum̐ jĕmaḍa mohabum̐ garam̐gu
vĕṁgalidamagamulu visarĕḍi vūrbulu
aṁgana kidivo anniyunum̐ gūḍĕ
(||kūḍa||)
yĕnasina yāsalĕ yĕdurula sūbulu
anugum̐ gūrimulĕ ālagiṁpulu
ninubu momoḍamulĕ niṁḍina nivvĕragulu
anayamu sadi kippu ḍanniyunum̐ gūḍĕ
(||kūḍa||)
kām̐giḍibaravaśhālu kannuladeliṁpulu
sem̐gala siggulĕ sirunavvulū
yīgadi śhrī vĕṁkaḍeśha yiṁtalo vichchesi sĕli
nām̐gi kūḍam̐gā nivi yanniyunum̐ gūḍĕ