కోనేటి దరులఁ గనుఁగొనరో మూఁడుదేరులు
(॥పల్లవి॥)
కోనేటి దరులఁ గనుఁగొనరో మూఁడుదేరులు
నానాదేవతలార నరులార మీరు
(॥కోనే॥)
తెంకిగా ముందర నొక్క తేరెక్కె శ్రీకృష్ణుఁ డు
వేంకటేశుఁ డెక్కె నదె వేరొక్క తేరు
లంకెలై శ్రీభూసతులు లలి నొక్క తేరెక్కిరి
కొంకక వీధుల నడగొండలో యనఁగను
(॥కోనే॥)
యిరవై శ్రీకృష్ణునిది యిదె వానరధ్వజము
గరుడధ్వజము శ్రీవేంకటపతిది
కరిలాంఛన ధ్వజము కమలకు మేదినికి
అలరి చూపట్టెను బ్రహ్మాండాల వలెను
(॥కోనే॥)
చెలఁగి చెఱకువిల్లు చేతఁబట్టె శ్రీకృష్ణుఁడు
బలు శ్రీవేంకటేశుఁడు పట్టెఁ జక్రము
అలమేలుమంగ భూమి యంబుజాలు చేఁబట్టిరి
కలసి మెలసేరు బంగారుమేడ లనఁగ
(||pallavi||)
koneḍi darulam̐ ganum̐gŏnaro mūm̐ḍuderulu
nānādevadalāra narulāra mīru
(||kone||)
tĕṁkigā muṁdara nŏkka terĕkkĕ śhrīkṛṣhṇum̐ ḍu
veṁkaḍeśhum̐ ḍĕkkĕ nadĕ verŏkka teru
laṁkĕlai śhrībhūsadulu lali nŏkka terĕkkiri
kŏṁkaga vīdhula naḍagŏṁḍalo yanam̐ganu
(||kone||)
yiravai śhrīkṛṣhṇunidi yidĕ vānaradhvajamu
garuḍadhvajamu śhrīveṁkaḍabadidi
karilāṁchhana dhvajamu kamalagu medinigi
alari sūbaṭṭĕnu brahmāṁḍāla valĕnu
(||kone||)
sĕlam̐gi sĕṟaguvillu sedam̐baṭṭĕ śhrīkṛṣhṇum̐ḍu
balu śhrīveṁkaḍeśhum̐ḍu paṭṭĕm̐ jakramu
alamelumaṁga bhūmi yaṁbujālu sem̐baṭṭiri
kalasi mĕlaseru baṁgārumeḍa lanam̐ga